Joná 4:2 - Wanano OT Portions

² Ã suaro, Yawere õ sehe niha: —Yʉ Cohamacʉ Yawe, yʉhʉ sehe mʉ jia tiare masi tuhsʉhi. Mʉhʉ sehe ñainare cʉ̃ bʉhʉsehe noariro jira. Pja ñʉriro cʉ̃hʉ jira. Tuhsʉ, so suaerariro cʉ̃hʉ jira mʉhʉ. Cahĩa tia pihtierariro cʉ̃hʉ jira mʉhʉ. Tuhsʉ, mʉ buhiri dahreboina mʉhʉre ti quihõno tʉhochʉ, buhiri dahrerariro baro cʉ̃hʉ jira mʉhʉ. Yʉhʉ sehe ahri mʉ jia tiare masi tuhsʉhi. Ã masicʉta, tó pano mʉ yʉhʉre õpʉ warocachʉ, ta duaeramahi yʉhʉ. Ã jicʉ Españapʉ duhti wahcãa wahamahi yʉhʉ. Yʉhʉ sehe õ sehe ni masi tuhsʉhi: “Yʉ tópʉ waha, tinare Yawe to yahu dutiare yʉ yahuchʉ, tina sehe tíre potocã tʉhoahca. Ti ã potocã tʉhochʉ, Yawe sehe tinare buhiri dahreboriro buhiri dahresi” ni, masi tuhsʉhi yʉhʉ.

Joná 4:2 Iomraidhean Croise

Éxodo 32:14

To ã nichʉ tʉhoro, Yawe sehe israe masare “Wajã pahñoihtja” nimariro cjiro wajãeraha jʉna. Noano mehne duhunocaha jʉna.

Joná 1:3

To ã nichʉ tʉhorota, to yare cahno bahrañoha Joná. Cahno tuhsʉ, pjiri ma dʉhtʉ cahapʉ jiri maca, Jope wama tiri macapʉ buhaa wahaha tiro. Tí macapʉ buhu sʉ, bʉjʉa bʉso wʉri ti wahã sʉri pitamahapʉ buhaa wahaha. Tí pitamahapʉ to buhu sʉchʉ, tói cʉ̃ria Españapʉ wahahtia pahsaha. España sehe sʉ̃ sãano caha sehe tjuaha. Cohamacʉ Jonáre to warocari maca Nínive sehe sʉ̃ mʉja taro caha sehe tjuaha. Ã jiro Joná sehe Cohamacʉ to warocari macapʉ waha duaeraro, España sehepʉ duhtia waharo nimaha. Ã jiro tia pʉrore niñeru wapa, tiapʉ samuha tiro.

Joná 3:10

à yoa jipihti Nínive macaina, ti pʉhtoro to dutiro seheta ti yoachʉ ñʉno, Cohamacʉ sehe tinare “Wajã pahñonocaihtja” nimariro cjiro wajãeraha jʉna.

Joná 3:9

Mari ã yoachʉ ñʉno, tiro pa tehe nino mari mehne sua duhuboca. Ã sua duhuro, tiro marine pja ñʉ, wajãeraboca” ni, durucu cahnohi yʉhʉ yʉ doca macaina pʉhtoa mehne. Ã jina yʉ dutiro seheta yoaga mʉsa —ni tí maca macainare quiti wa siterocaha ti pʉhtoro. Ã yoa tí maca macaina sehe ti pʉhtoro to warocaa quitire tʉho sahsea wahaha. Ã jia tina jipihti ti pʉhtoro tinare to dutiro seheta yoaha.