Jeremía 20:4 - Wanano OT Portions

^4-5 Jeremía Pasure õ sehe ni yahuha tjoa: —Cohamacʉ Yawe to basi yʉhʉre õ sehe ni yahu dutirocahre mʉhʉre: “Pasu, mʉhʉ sehe Jeremía mehne yʉ mʉsare yahurire tʉho duaerahre. Wiho mejeta yʉ niriro cjiro seheta Babilonia macariro pʉhtoro to surara mehne mʉ coyea Judá yahpa macainare to cahma wajã yʉhdʉrʉcachʉ yoaihca yʉhʉ. To ã cahma wajã yʉhdʉrʉcachʉ yʉ yoachʉ, mʉsa wapana sehe mʉhʉ mehne macaina warore mʉ ñʉrocaroi ñosaa pjĩni mehne ti wajãnocachʉ ñʉihca mʉhʉ. Tuhsʉ, painare tuaro mehne ñaha, ti ya yahpapʉ ti ñano mʉa tipehtina cjihti ti naachʉ cʉ̃hʉre, ñʉihca mʉhʉ. Tuhsʉ, painare tóihta ti ñosaa pjĩni mehne ti wajãnocachʉ cʉ̃hʉre ñʉihca mʉhʉ. Tuhsʉ, jipihtia wapa bʉjʉa, ahri maca Jerusalẽpʉ jia, mʉsa pʉhtoa cjiri ti wihbo turia tari cʉ̃hʉre manoca, ti naa pahñonocachʉ yʉ yoachʉ cʉ̃hʉre ñʉihca mʉhʉ. Ã yoa tí jipihtiare mʉ basi ñʉcʉpʉ, ‘Cohamacʉ to yahuri potocã tjiri jira’ nicʉpʉ, cʉa yʉhdʉa wahaihca mʉhʉ. Tuhsʉ, paina mʉhʉ mehne macaina cʉ̃hʉ cʉa yʉhdʉa wahaahca” ni, mʉhʉre yahu dutirocahre Cohamacʉ Yawe yʉhʉre —ni, yahuha tjoa Jeremía Pasure.

Jeremía 20:4 Iomraidhean Croise

2 Reyes 25:7

Yahu tuhsʉ, to ñʉrocaroihta to pohnare wajãnoca dutiha. Ti wajãri baharo, ti pʉcʉro Sedequiare to caparire cjã tihãnoca dutiha. Ã yoa comaa dari mehne tirore dʉhte, Babilonia yahpapʉ peresu naa turiaa tiha.