Génesis 9:25 - Wanano OT Portions

²⁵ Ã tʉhoriro jiro, Cã ya buhiri to panamino Canaã sehere, ã jichʉ tirore ji nʉnʉ tihtina cʉ̃hʉre Cohamacʉre õ sehe ni sini payoha: —Cohamacʉ ñano wahachʉ yoajaro Canaãre, ã jichʉ tirore ji nʉnʉ tihtina cʉ̃hʉre. Cã wahmisʉmata cahamaca tijaro tina cʉ̃hʉre —ni sini payoha Noé Cohamacʉre.

Génesis 9:25 Iomraidhean Croise

Génesis 3:14

à yoa tiro agã sehere õ sehe niha: —Mʉ ã yoari buhiri mipʉre ñano yʉhdʉihca mʉhʉ. Jipihtina wahiquina yʉhdoro ñano yʉhdʉriro jiihca mʉhʉ. Chihchõtjiãhcʉ, tiniihca mipʉre jʉna. Jipihtina wahiquinare doca tiriro ã jirucuihca mʉhʉ jʉna.

Génesis 4:11

à jicʉ mipʉre õpe tahari buhiri tiihca mʉhʉ. Ahri yahpai jirirore mʉhʉre cohã wio waroaihtja yʉhʉ, mʉ bahʉ to di cohãri yahpare.

Génesis 9:18

à yoa tiro Noé pohna sehe dohoria mehne yʉhdʉrina Sẽ, Jafe, ã jichʉ Cã wama tiina jiha. Mʉa dihta jiha tina. Cã jiha Canaã pʉcʉro.

Génesis 9:22

à yoa to macʉno Cã, Canaã pʉcʉro sehe Noére to suhti marieriro jichʉ ñʉno, to wahmisʉmare yahu sitero wahaha.

Génesis 9:24

à yoa tiro Noé sehe, tirore caha parĩni baharo, wahcã wihiha. Wahcã wihi, tiro tʉhoha to macʉno Cã, dʉhsariropʉ, tirore to yahu siteriro cjirore.