Génesis 8:1 - Wanano OT Portions

^1-4 Cohamacʉ Noé cʉ̃hʉre, ã jichʉ jipihtina wahiquina, tia dohoriapʉ samurina jipihtinare wacũha. Tó seheta wacũ, tiro wihnonore wã tu dʉcachʉ yoaha tí co wʉrʉ buire. Tuhsʉ, ahri yahpai co tʉhnʉ wija mʉja ta wahsari cjirire wijaa duhuchʉ yoaha. Mʉanopʉ pjíro coro tʉhnʉ boraro yoaro sehe tamariro cʉ̃hʉre ta duhuchʉ yoaha. To ã yoachʉ, tí co wʉrʉ sehe witi dija dʉcaha. Witi dija dʉca, ã witirucuha jʉna. Ã yoa tó sehe miniri cʉhmare seis sʉ̃ri pihti, pa sʉ̃ diecisiete dachori ñaha wahcãnoi, ciento cincuenta dachori mini dʉcari baharo, tia dohoria tʉ̃cʉ, Arara wama tiri yahpai jidʉ bui witiwe pja sʉha.

Génesis 8:1 Iomraidhean Croise

Génesis 19:29

Lote to jiro cahacãi jia macari cjirire tó sehe yoa, jʉ̃ cohã pahñoha tiro Cohamacʉ. Tí macarire jʉ̃ cohã pahñoparota, Abrahãre wacũno, to bahʉro macʉno Lotere yʉhdoha, tó jʉ̃no mehne butiborirore.

Génesis 9:10

Ãta yoaihtja wahiquina mʉsa mehne jiinare, wʉinare, nuinare, nʉcʉ macainare, bʉainare, chichõinare, jipihtina dohoriapʉ mʉsa mehne yʉhdʉrinare. Tuhsʉ, baharopʉ cʉ̃hʉre dohse jiina jipihtiri yahpai catiro cjʉahtinare quihõno yoaihtja.

Éxodo 14:21

Tinare ti mʉ sʉ masieraro wato, Moise sehe to tjuadʉre na mʉo, cjã yoroca pohõha Sohãri ma bui Yawe to dutiriro seheta. To ã yoachʉ, Yawe sehe sʉ̃ mʉja taro sehe ñami puro wihnono tuaro wã turucuchʉ yoaha. To ã wã turucuchʉ yoaro mehne, tí ma, pjiri ma macaa co sehe suru sʉrʉcʉ sʉa waha, tí ma caha sʉro cʉ̃hʉre wʉa sã caha sʉchʉ yoaha.

Éxodo 15:10

Ti ã ni durucuri baharo jipachʉta, mʉhʉ sehe putirocaro yoaro sehe wihnonore warocara. Mʉ ã warocaro mehne ahri mapʉ mini yaria pihtia wahara tina. Picha yapa diapʉ to diha caha sʉboro seheta bʉjʉa pahcõri tiropʉ diha pihtia wahara tina.

Éxodo 2:24

Tíre tʉhoro, õ sehe ni wacũha: “Ahrina ti ñʉchʉsʉma cjiri Abrahã, Isaa, Jacobo cʉ̃hʉ cjiripʉre ‘Mʉsare, tuhsʉ, mʉsare ji turiainapʉ cʉ̃hʉre noano wahachʉ yoaihtja’ nia tihi yʉhʉ.

Joná 4:11

à yoa yʉhʉ pini ahri maca Nínive macainare cahĩcʉ, quihõno cahĩi nija. Tina payʉ waro jira. Tuhsʉ, macanacã cʉ̃hʉ ti watore ciento veinte mil waro jira. Tinacã “Ahri ñaa jica. Ahri noaa jica” ni, bese masieraina jira. à yoa wahiquina cʉ̃hʉ payʉ waro jira. à jicʉ yʉhʉ pini Nínive macainare cahĩcʉ, quihõno cahĩi nija —ni yʉhtiha Yawe Jonáre.