Génesis 6:17 - Wanano OT Portions

¹⁷ ‘Ahri yahpare mioi tai nija. Jipihtiri yahpare catiro cjʉaina yariaahca. Ne cʉ̃iro dʉhsaro baro marieno yariaahca.

Génesis 6:17 Iomraidhean Croise

Génesis 2:7

à yoa Cohamacʉ Yawe mʉnore dihta mehne bajuamehneha. Bajuamehne tuhsʉ, to quẽ coparipʉ putiroca sõha, tirore catiro waro taro. To ã yoachʉ, tiro mʉno cati dʉcaha.

Génesis 6:13

à ñʉno, tiro Noére õ sehe niha: —Ahrina masare, ahri yahpapʉ jiinare wajã pahñoi tai nija, ahri yahpa ti cahmachea, ti cahma wajãa, ti ji sahsea wahachʉ yoari buhiri. Tuhsʉ, ahri yahpa cʉ̃hʉre jipihtiropʉre dojomehnei tai nija.

Génesis 6:16

Tiharica sehere cʉ̃ metro dacho maca mujipʉre wahã sʉhto pano tiha duhuga. Tuhsʉ, tia dohoriare tia tjuru cjʉaria dahrega. Cʉ̃ bʉhʉseheihta sãari sopaca tiria dahrega tiare.

Génesis 6:7

à jiro tiro õ sehe ni wacũha: “Ahrinare, masa yʉ bajuamehnemarinare, jipihtina wahiquina dohse jiinare, ã jichʉ wʉina cʉ̃hʉre wajã pahñoihtja. Jipihtinapʉ ahri yahpai jiina yariaahca. Yʉ bajuamehnerina yʉ yajeripohnare tuaro purĩchʉ yoara” ni, tʉhotuha tinare.

Génesis 7:15

Jipihtina wahiquinape Noé cahai mʉno, numino mehne pʉaro, pʉaro dihta taa, samuha tiapʉ.

Génesis 7:17

à yoa cuarenta dachori waro ahri yahpare ã mini mʉjarucuha. Ahri yahpa mini mʉja taro, cʉ̃no potori tia dohoria cʉ̃hʉ pahsa wahcã dʉcaha yahpa buire.

Génesis 7:4

Yʉhʉ sehe siete dachori baharo, coro tachʉ yoai tai nija. Cuarenta nʉmʉri waro, ã dachori, ñamini, coro tarucurohca. Ahri yahpai jiinare, jipihtina yʉ bajuamehnerinape wajã pahñoi tai nija. Ne cʉ̃iro dʉhsaro marieno wajãihtja —niha tiro Noére.

Génesis 9:9

—Mipʉre quihõno waro mʉsare cũihtja. Yʉ yahuhtire sohtori tiihtja mʉsare, tuhsʉ, mʉsare ji nʉnʉ tihtina cʉ̃hʉre.

Éxodo 14:17

‘Ã yoa yʉhʉ egipto masa sehere: “Israe masare nʉnʉ ti wahcã, na majare tjua tanahtja tjoa” ni, tʉhotuchʉ yoaihtja. Yʉ ã ni tʉhotuchʉ yoaro mehne tinare tí mahapʉ mʉsare nʉnʉ tichʉ yoaihtja. Ã jicʉ yʉhʉ faraõ surara jipihtinare, to cahma wajãa bʉsore, ã jichʉ paina to surara cawaloa buipʉ cahma wajãinare mio wajãihtja. Yʉ ã yoaro mehne tuariro yʉ ji yʉhdʉrʉcʉ sʉa tiare ñoihtja painapʉre.