Génesis 5:29 - Wanano OT Portions

²⁹ To macʉnocãre “Noé” ni, wama pisuha, masa sochʉ yoahtiro to jichʉ masino. Ã jiro wihãriro Noé to dohse jia tihtire õ sehe ni yahu cũha to pʉcʉro Láme: —Dóipʉta ahri yahpai jiina ti yʉhdʉrʉcari buhiri Yawe tuaro dahrachʉ yoa dutimaha mari jipihtina masare. Ã jina mari chʉhtire tuaro mari dahraa mehne bocaro cahmana. Wiho mejeta ahriro nijinocã marine tíre sochʉ yoarohca —ni cũha. (“Noé” nino, “sochʉ yoariro” nino, ahri pʉa wama cʉ̃no sehe bo cure bisica hebreo masa ya dʉsero mehne)

Génesis 5:29 Iomraidhean Croise

Génesis 5:28

à yoa Láme 182 cʉhmari to cjʉachʉ waro, to macʉno cjihto masa bajuaha.

Génesis 5:30

Noé masa bajuari baharore, Láme sehe 595 cʉhmari cati namo, paina mʉa, numiare pohna ti namoha.

Génesis 7:23

Tiro Noé, ã jichʉ tiro mehne tiapʉre samuina dihta yʉhdʉha. Painapʉ ahri yahpai jimarina masa, wahiquina, nuina, nʉcʉ macaina, wʉina, bʉaina, chihchõina, tina sehe yaria pihtia wahaha.

Génesis 9:24

à yoa tiro Noé sehe, tirore caha parĩni baharo, wahcã wihiha. Wahcã wihi, tiro tʉhoha to macʉno Cã, dʉhsariropʉ, tirore to yahu siteriro cjirore.