Génesis 5:2 - Wanano OT Portions

² Mʉnore, numino cʉ̃hʉre bajuamehneha. Tinare bajuamehne tuhsʉ, —Ahrinare noano wahajaro —ni cũha. To bajuamehneri dachoihta tinare, —“Masa” wama tijaro ahrina —niha tiro.

Génesis 5:2 Iomraidhean Croise

Génesis 1:27

à yoa Cohamacʉ masare to yoaro seheta jia tihtinare bajuamehneha. Mʉnore, numino cʉ̃hʉre bajuamehneha.

Génesis 1:28

à yoa tiro tinare õ sehe niha: —Payʉ masa putiga. Ahri dihtare jipihtiropʉre ji sahserʉcʉ sʉga, mʉsa coyea ji turiaina mehne. à yoa mʉsare pʉhtoa cũi nija wahi, wʉina, yahpa macaina jipihtina bui. Mʉsa cahmano sehe yoaga tinare —niha. To ã ni payoa mehne tinare noano wahachʉ yoaha.

Génesis 2:15

à yoa Cohamacʉ Yawe mʉnore Edẽ yahpai to cahnori cuhtupʉre to noano dahra, noano ñʉ wihbo duti to cũrirore õ sehe ni yahuha:

Génesis 2:23

Ticorore ñʉno, wahchero mehne Cohamacʉre õ sehe niha: —¡Ahricoro pini yʉ dihi mehneta, yʉ cohã mehneta yoaricoro jira. Ã yoaro “numino” wama tirohca, mʉhʉ yʉhʉreta mʉ naricoro jiro! —niha. (“Numino” nino, “mʉnore nahre” nino nica hebreo masa ya dʉsero mehne)

Génesis 5:3

à yoa Adão 130 cʉhmari to cjʉachʉ waro, to macʉno masa bajua tiha, Sete cjihto. Tiro to pʉcʉro yoaro seheta jia tiriro jiha.