Génesis 46:5 - Wanano OT Portions

⁵ Baharo Jacobo Bersebai jiriro Egiptopʉ waharo niha tjoa. To pohna sehe tirore, ti pohnare, ã yoa ti namosanumia cʉ̃hʉre, faraõ to warocaa bʉsopʉ samu dutiha.

Génesis 46:5 Iomraidhean Croise

Génesis 45:19

Õ macaa bʉso, cawaloa waja bʉsore naa dutiga tinare. Tí bʉso mehne ti namosanumiare, ti pohnare, ã jichʉ ti pʉcʉro cʉ̃hʉre na tajaro tina.

Génesis 45:21

To ã ni yahuri baharo, José sehe to wahmisʉmapʉre tíre yahu turiaha. To yahuchʉ tʉhoa, to wahmisʉma sehe faraõ to dutiriro seheta yoaha. Baharo José sehe to wahmisʉmare faraõ to naa dutia bʉsore waha. Tuhsʉ, chʉare mahai ti chʉ wahcãhti cʉ̃hʉre waha.

Génesis 45:27

à yoa tina sehe noano José to niare yahu pahñoha tirore. Yahu pahño, José tirore to warocaa bʉsore ñoha tirore. Ti ñochʉ ñʉnopʉ, tiro sehe yajeri sãaha. Tuhsʉ, tuaro wahcheha.

Éxodo 10:24

Faraõ sehe, ã wahachʉ ñʉno, Moisere, ã jichʉ Aarõre pari turi pji dutiroca, tinare õ sehe niha: —Mipʉ pinihtare mʉsa masa curua mehne Yawe mʉsa Cohamacʉre ño payona wahaga. Mʉsa namosanumiare, mʉsa pohna cʉ̃hʉre naaga. Mʉsa nuina, ovejaa, cabraa, wachʉa pinihtare naaena tjiga —niha.

Éxodo 10:26

à jina sã wahiquina jipihtinare naanahca sã. Tópʉ sã basi besenahca sã wahiquina sã wajã, jʉ̃ wa mʉo, Yawere sã ño payohtina cjihtire. Wiho mejeta tópʉ sʉerasinina, “¿Diina baro sehere wajãnahcari mari?” ni, masierasinija sã —ni yʉhtiha Moise faraõre.