Génesis 45:23 - Wanano OT Portions

²³ Ã yoa to pʉcʉro sehere diez burroa Egipto macaa noaare ti dʉhte payoinare warocaha. Tuhsʉ, paina tópeinata trigore, pãore, ã jichʉ chʉare to pʉcʉro mahai taro to chʉ tahtire ti dʉhte payoina cʉ̃hʉre warocaha.

Génesis 45:23 Iomraidhean Croise

Génesis 24:10

à ni yʉhti tuhsʉ, to ñarairo ya, noaa, wapa tia barore beseha. Tí sehe numino to na tahticorore, ã jichʉ ticoro pʉcʉsʉmare wapa marieno to wahti jiha. Tíre bese tuhsʉ, diez camelloa, to ñarairo yaina mehne wahaa wahaha Mesopotamia yahpapʉ. Waha, tí yahpapʉ sʉ, Abrahã bahʉro Naco cjiro to jimari macapʉ sʉro cahacãpʉ sʉha.

Génesis 43:11

To ã nichʉ tʉhoro, ti pʉcʉro sehe tinare õ sehe ni yʉhtiha: —Jai. Ne dohse yoahto basioerara marine. Ã jina õ sehe yoaga: Tirore wapa sinino marieno mʉsa wahtire mʉsa wajupʉ posaa, naahga. Mari jiri dihta macaa bui noaare naabasaga tirore. Pjacʉ wisõa se bálsamore, me sitia mirrare, paye me sitiare, yucʉ dicha pistáciore, almendrare, ã jichʉ miquina mine tí payʉ noaare mahaa tirore naabasaga.

Génesis 45:22

à yoa cãinare cʉ̃ suhtiro, wahma suhtiro, ti cohtotahti suhtiro cjihto waha. To bahʉro Benjamí sehere plata si paa cjoari wapa bʉjʉa cjoarire, tresciento cjoari waro waha. à jichʉ wahma suhti, cinco suhti waha.

Génesis 45:24

Wa tuhsʉ, to wahmisʉmare coha sitiro, õ sehe niha: —Mʉsa waha, tjua taro puro, cahma tuhtiena tjiga mʉsa basi —niha. To ã niri baharo, tina sehe tjuaa wahaha.

Éxodo 16:3

Baharo tinare õ sehe ni tuhtiha: —Egipto yahpapʉ jina, ñano yʉhdʉpanahta wahiquina dihire ã jichʉ dohse jia chʉa cʉ̃hʉre sã chʉ duaro puro chʉa timai sã. Tópʉta Yawe sãre to wajãnocachʉ noa yʉhdʉaboa. Mʉsa cʉ̃hʉ sãre õpʉre masa marienopʉre na tana, jʉca mehne jipihtina sãre yariachʉ yoa duana, na tari jira mʉsa —ni tuhtiha tinare.