Génesis 44:9 - Wanano OT Portions

⁹ Wiho mejeta mʉ nia potocã jichʉ, noa mʉ pʉhtoro to sihniri wahware yacariro yariajaro. Ã yoa sã dʉhsaina mʉ pʉhtorore dahra cohtahtina tjuanahtja —ni yʉhtiha.

Génesis 44:9 Iomraidhean Croise

Génesis 43:18

Tópʉre to naa sʉchʉ ñʉa, José wahmisʉma sehe soro tʉhotu, cʉa yʉhdʉa wahaha. Ã cʉaa, ti basi õ sehe ni durucuha: —Ahrina marine mahñopea nina. Tó panopʉ mari wajupʉ posaa, ti wiari niñeru mehne mahño, marine ñaha, dutipea taa nina. Ã yoa mari burroa cʉ̃hʉre maahca tina —ni ti basi durucuha.

Génesis 44:10

Ti ã ni yʉhtichʉ tʉhoro, tiro wʉhʉ cohtariro sehe tinare õ sehe ni yʉhtiha: —Mʉsa nino seheta yoachʉ, noana. Wiho mejeta tiare yacariro dihta yʉhʉre dahra cohtahtiro jijaro. Mʉsa paina dʉhsaina sehe buhiri marieina tjuanahca —ni yʉhtiha.

Génesis 44:16

To ã ni sinitu ñʉchʉ tʉhoro, Judá sehe tirore õ sehe ni yʉhtiha: —¿Dohse ni mʉhʉre yʉhtibocari sã? ¿Dohse yoa “Buhiri maeraja. Tó sehe yoaerahi sã” ni, mʉhʉre ñobocari? Panopʉ sã ñano yoa, nʉoa tihi. Tí buhiri Cohamacʉ sãre buhiri dahrero nica. Ã jina ã yʉhdʉca sã. Mipʉre sã jipihtina mʉ sihniri wahware yacariro mehneta mʉhʉre dahra cohtaina tjuanahtja —ni yʉhtiha.