Génesis 44:18 - Wanano OT Portions

¹⁸ To ã nichʉ tʉhoro, Judá sehe José cahai waha, õ sehe ni siniha tirore: —Yʉhʉ mʉhʉre sinija, pʉhtoro. Yʉhʉre tʉho curega mʉhʉ. Masija. Mʉhʉ cʉ̃hʉ faraõ dutiro yoaro seheta dutiriro jira. Ã jicʉ cua pisaro mehne mʉhʉre ñʉja yʉhʉ. Mʉ ã pʉhtoro choro jicʉ, yʉhʉre wajã duacʉ, wajã masina. Yʉhʉre mʉ wajã duachʉ, pairo mʉ bui dutiriro yʉhʉre dʉcataboriro mariahca. Wiho mejeta pja ñʉga yʉhʉre. Yʉhʉ mehne suai tjiga.

Génesis 44:18 Iomraidhean Croise

Génesis 18:30

Abrahã sehe sinitu namoha tjoa: —Sʉroca yʉ sinitu ñʉchʉ, suai tjiga, yʉ Pʉhtoro Cohamacʉ. Sinitu ñʉ namo duaja tjoa. ¿Treinta masa buhiri marieina ti jipachʉta, tí macare cohãnocaihcari mʉhʉ? —ni sinitu ñʉha. —Cohãsi yʉhʉ, tí macare treinta masa noaina ti jichʉ —niha Cohamacʉ.

Génesis 18:32

Sinitu ñʉ batoaro, Abrahã õ sehe niha: —Suai tjiga mʉhʉ, yʉ Pʉhtoro Cohamacʉ. Õihta mʉhʉre sinitu ñʉ batoai tai nija. Baharo ã cariborucusi yʉhʉ mʉhʉre. ¿Dohse jibocari diez masa buhiri marieina ti jichʉ? —ni sinitu ñʉha. —Cohãsi yʉhʉ tí macare diez dihta ti jichʉ cʉ̃hʉre —niha Cohamacʉ Abrahãre.

Génesis 37:6

Õ sehe ni yahuha tiro: —Tʉhoga. Yʉ cahãrire mʉsare yahui tai nija.

Génesis 37:7

Mari jipihtina trigo wesepʉ trigore dʉhtena nihti. Ã yoa wacũenoca yʉ ya puti sehe yahpapʉ coãmari puti wahcãrʉcʉ sʉ mʉa wahahre. Ã wahachʉ, mʉsa ya putiri sehe soroarʉcʉ sʉ pihtia waha, ya putire na tuhcua caha sʉ, ño payochʉ ñʉrucui cahãhi yʉhʉ —ni yahuha tinare.

Génesis 37:8

To ã ni yahuchʉ tʉhoa, to wahmisʉma sehe õ sehe ni yʉhtiha tirore: —¿Dohse jiro baro ã bajuare ñʉrucui cahãri mʉhʉ? ¿Sã pʉhtoro, sãre dutihtiro ji duai nijari mʉhʉ, ã bajuare cahãi? —ni yʉhtiha tirore. Ã yoa to ã cahãrire to yahuchʉ tʉhoa, tina sehe ne ji coaeraha. Ã jia tirore tuaro ñʉ yabi namoha.

Génesis 41:40

à jicʉ yʉ yare ñʉ wihbohtiro jiga mʉhʉ. Tuhsʉ, pʉhtoro jicʉ, yʉ jiri wʉhʉi dahrainare dutihtiro jiga. à yoa jipihtina ahri yahpa macaina mʉ dutiro seheta yoaahca. Yʉhʉ faraõ dihta mʉhʉ bui dutiriro jiihca.

Génesis 41:44

Sõ tuhsʉ, õ sehe niha tirore: —Yʉhʉ sehe ahri yahpa macaina pʉhtoa ti bui pʉhtoro jija. Yʉ pʉhtoro jipachʉta, jipihtina masa ahri yahpa macaina sehe ti yoa duaare mʉhʉ sehere siniahca. Mʉhʉre sinino marieno ne yoasi —niha.

Génesis 44:17

To ã nichʉ tʉhoro, José sehe õ sehe niha: —Jierara. Yʉ ya wahware yacariro dihta yʉhʉre dahra cohtahtiro jijaro. Mʉsa paina ã jica nino marieno mʉsa pʉcʉ cahapʉ tjuaa wahaga. Ne cʉ̃iro mʉsare caribosi —niha tinare.

Éxodo 32:22

To ã ni sinitu ñʉchʉ tʉhoro, Aarõ sehe õ sehe ni yʉhtiha: —Yʉhʉ mehne suai tjiga. Masina mʉhʉ ahrina ti mʉ sʉro ñano ti jia ti duaare.