Génesis 43:11 - Wanano OT Portions

¹¹ To ã nichʉ tʉhoro, ti pʉcʉro sehe tinare õ sehe ni yʉhtiha: —Jai. Ne dohse yoahto basioerara marine. Ã jina õ sehe yoaga: Tirore wapa sinino marieno mʉsa wahtire mʉsa wajupʉ posaa, naahga. Mari jiri dihta macaa bui noaare naabasaga tirore. Pjacʉ wisõa se bálsamore, me sitia mirrare, paye me sitiare, yucʉ dicha pistáciore, almendrare, ã jichʉ miquina mine tí payʉ noaare mahaa tirore naabasaga.

Génesis 43:11 Iomraidhean Croise

Génesis 33:10

To ã nipachʉta, õ sehe niha Jacobo: —“Cahmaeraja” niecʉ tjiga. Pja ñʉno mehne mʉ yʉhʉre piti bocachʉ, wahcheja yʉhʉ. Cohamacʉ yʉ mʉhʉre ñano yoarire to boriro seheta mʉhʉ cʉ̃hʉ bori jira. Ã boriro jii, “Jai. Cahmaja” niga, ahrina wahiquina ño payoro mehne yʉhʉ mʉhʉre na tabasarinare. Cohamacʉ yʉhʉre noano wahachʉ yoa, pache pʉro wahachʉ yoahre. Ã jiro yʉhʉre ne yaba dʉhsaerara —niha. Jacobo ã nino, ne tjueraha. Pʉ Esaú “Jai” to nichʉpʉ, duhuha tiro.

Génesis 37:25

Tí copapʉ tirore ti tjuroca sãari baharo, nuju sʉ pihti, chʉ dujirucuha tina. Ti chʉ dujirucuchʉ waro, ismae masa sehe Galaapʉ sʉrina ti camelloa mehne taa bajuha. Ti camelloa buipʉ me sitia, bálsamo, mirra wama tiare Egiptopʉ ti duahtire naa niha tina.

Génesis 43:10

Wiho mejeta ã wahasi. Sã mehne tirore warocaga. Dói cure mʉ warocari baharo jichʉna, pʉa tahapʉ waha, majare tjuaa wihiinapʉ jiboa sã —ni yʉhtiha Judá.

Génesis 43:14

Cohamacʉ Tua Yʉhdʉrʉcʉ Sʉriro sehe, mʉsare pja ñʉchʉ yoajaro. Ã pja ñʉchʉ yoaro, yʉ macʉ peresupʉ jirirore wiochʉ yoajaro. Ã yoa Benjamí cʉ̃hʉre yʉ cahai coha tju wihichʉ yoajaro. ¡Wiho mejeta yʉhʉ sehe pohna marieriro tjuai, ãta tjuai nica! —niha tinare.

Génesis 43:15

To ã nichʉ tʉhoa, to pohna sehe pʉhtorore wapa sinino marieno ti wahtire cahnoha. Tuhsʉ, ti nuchʉhti niñerure, ã jichʉ ti wiahti niñeru cʉ̃hʉre naha. Na tuhsʉ, ti bahʉro Benjamí cʉ̃hʉre pji, Egiptopʉ wahaa wahaha. Wahaa, José cahapʉ sʉha.

Génesis 43:25

à yoa pʉhtoro mehne ti chʉhti cʉ̃hʉre yahuha tiro. To yahuchʉ tʉhoa, tina sehe Josére wapa sinino marieno ti wahtire cahnoha. Cahno tuhsʉ, cohari pja jichʉ to wihihtore cohtaha.

Génesis 43:26

à yoa José to wihichʉ ñʉa, tina sehe tirore ti na tabasarire wiaha. Wia tuhsʉ, to potoi na tuhcua caha sʉ, muhri caha boraha pʉ ti wʉhdʉa wapari yahpa pihachʉpʉ.

Éxodo 3:8

à jicʉ dija tahi yʉhʉ. Yʉ masa ñano yʉhdʉinare, egipto masa ti bui tuaina jia, cahamaca ti cjʉainare na wioi tai dija tahi. Tinare na wio, cʉ̃ yahpa, pjiri yahpa, noari yahpapʉ naaihtja tinare. Tí yahpapʉre jipihtia chʉa jira. Tí yahpa cananeo masa, hitita masa, amorreo masa, fereseo masa, heveo masa, jebuseo masa ti jiri yahpa jira.