Génesis 42:9 - Wanano OT Portions

⁹ Ã yoa tina ti na tuhcua caha sʉ, muhri caha dijachʉ ñʉno, tiro sehe wacũha tina mehne jiro, to cahãri cjiripʉre. Ã jiro tinare õ sehe niha: —Jieraca. ¡Mahño ñʉ duhti sito taina jica mʉsa! Õre ahri yahpare dʉcata mahnoeraare mahño ñʉ duhti sito tana nica mʉsa —ni tinare tuhtiha.

Génesis 42:9 Iomraidhean Croise

Génesis 37:11

à jia to wahmisʉma sehe ti bahʉrore tuaro ñʉ tuhtiha. Ti ã ñʉ tuhtipachʉta, to pʉcʉro sehe to yahurire, “¿Dohse jiro baro ahriro ã cahãari?” ni, tʉhotu nʉnʉha.

Génesis 42:34

à yoa pari turi tana, mʉsa bahʉ dʉhsarirore yʉhʉre na tabasaga. Mʉsa ã yoachʉ, ‘Potocã tjira. Ahrina quihõno yoaina barota jira’ ni, masiihca yʉhʉ. Tuhsʉ, mʉsa mahño ñʉ duhti sito taina mʉsa jieraa cʉ̃hʉre masiihca. à masicʉ, mʉsa coyeiro yʉ biha dapo dutirirore wioihca yʉhʉ. Tí pjapʉ mʉsa sehe ahri dihtare nohoi mʉsa tini duaroi tininahca” nihre sãre —ni yahuha tina ti pʉcʉrore.

Éxodo 32:35

To ã nirire sohtori tiro, tina yʉhdʉrʉcarinare purĩa dohatia mehne buhiri dahrea tiha Yawe.

Números 13:2

—Yʉ mʉsare wahti yahpa, Canaã yahpare duhti ñʉa wahahtinare besega. Israe masa curuare, cʉ̃ curua jiparota doce curuari cahma tju wa dapo jiri curuare tí curuaripe macainare cʉ̃iro ti pʉhtorore bese, warocaga —niha.