Génesis 41:8 - Wanano OT Portions

⁸ To cahãri ñami bohrearo to cahãrire wacũno, “¿Yaba pano yʉhʉ ã cahãari?” ni, tiro cariputiro tʉhotuha. Ã jiro jipihtina tí yahpa macaina yayare, ã jichʉ paina noano masiina cʉ̃hʉre pji cahmachuha. Ti cahmachu pihtichʉ ñʉno, “¿Dohse wahahto pano ã cahãari yʉhʉ?” ni, masi duaro, to cahãrire tinare yahuha. To yahuchʉ, ne cʉ̃iro to cahãrire yahu masieraha.

Génesis 41:8 Iomraidhean Croise

Génesis 40:6

Ti ã cahãri ñami bohrearoi José sehe ti cahapʉ sãa sʉha. Sãa sʉ, tinare to ñʉchʉ, tina sehe bʉjʉa witiina jiha.

Génesis 40:8

To ã ni sinitu ñʉchʉ, tina sehe õ sehe ni yʉhtiha: —Micha ñami sã cahãrire cahyana nica sã. “¿Dohse jiro baro sã õ sehe cahãari?” ni, masi duana nimaja. Sãre yahuboriro sehe mariahna —ni yʉhtiha tirore. Ti ã ni yʉhtichʉ tʉhoro, José sehe õ sehe niha tinare: —Mʉsa cahãrire Cohamacʉ dihta quihõno yahu masica. Tirore ño payoriro jija yʉhʉ. Ã jina mʉsa cahãrire yʉhʉre yahuga —niha tinare.

Génesis 41:15

To cahai sʉchʉ ñʉno, faraõ sehe tirore õ sehe niha: —Yʉhʉ õ sehe cahãhti. Wiho mejeta yʉ cahãrire õre ne cʉ̃iro, “Õ sehe wahahto pano ã cahãi niri jira mʉhʉ” ni, yahuboriro mariahna. Wiho mejeta mʉhʉ sehe masa ti cahãrire yahu masiriro jiyuhti —niha.

Génesis 41:24

Tí tõhori, yapari mariea tohõricã sehe noaa tõhori, noano yapari tia tohõrine chʉnocahre. Tó sehe yʉ cahãrire yayare yahumahi. Wiho mejeta ne cʉ̃iro yʉ cahãrire, “Õ sehe mʉhʉre wahahto pano ã cahãi niri jira mʉhʉ” ni, yahu masierahre yʉhʉre —ni yahuha faraõ Josére.

Génesis 41:7

Tí tõhori, yapari mariea tohõricã sehe noaa tõhori, noano yapari tia tohõrine chʉ pahñonocaha. Baharo tiro faraõ sehe carĩmariro wahcã wihi, “Cahãi niri jica yʉhʉ” ni, tʉhotuha.

Éxodo 7:11

Ti ã yoachʉ ñʉno, faraõ cʉ̃hʉ tí yahpa macaina yayare ã jichʉ paina noano masiinare pji dutirocaha. To pji dutirocaina wihi, tina cʉ̃hʉ ti mʉ sʉro ti masia mehne ti yoa ñoriro seheta yoa ñomaha.

Éxodo 7:22

à yoa faraõ yaina yaya ã jichʉ paina noano masiina cʉ̃hʉ ti yoaro seheta ti masia mehne yoa ñoha. To yaina cʉ̃hʉ ti yoaro seheta ti yoa ñochʉ ñʉno, Moise cʉ̃hʉre faraõ sehe yʉhdʉrʉcaha tjoa. à yʉhdʉrʉcaro, tinare ti siniare yʉhti duaeraha. Yawe to niriro cjiro seheta waharo niha tiro.

Éxodo 8:7

Moise cʉ̃hʉ ti ã yoachʉ ñʉa, tí yahpa macaina yaya ã yoa noano masiina cʉ̃hʉ ti yoaro seheta ti masia mehne mʉa peri pu site maja tachʉ yoaha.

Éxodo 9:11

Moise cʉ̃hʉ ti ã yoachʉ, Egipto macaina yaya sehe yoa ñoa taeraha. Tina cʉ̃hʉ musuripoca dohatia niha. Ã jia yoa ñoa taeraha jʉna.