Génesis 4:1 - Wanano OT Portions

¹ Adão Eva to namono mehne jiha. Ticoro niji pocoro waha, cʉ̃iro mʉnocãre, Caĩ cjihtore pohna tiha. “Yawe yʉhʉre to wariro jira. To yoadohoro mehne yʉhʉ tirocãre pohna tija” ni, tʉhotuha ticoro.

Génesis 4:1 Iomraidhean Croise

Génesis 3:15

Numino mehne mʉhʉre ñʉ tuhtichʉ yoaihtja. Ã yoa mʉhʉre ji nʉnʉ tihtina, ticorore ji nʉnʉ tihtinapʉ mehne cahma ñʉ tuhtichʉ yoaihtja. Cʉ̃iro ticorore ji nʉnʉ tihtiro mʉ dapure tʉ dihorohca. Ã yoa mʉhʉ sehe to dahpo dihicai bahcaihca —ni cũha tirore, agãre.

Génesis 3:24

Tinare cohã wio tuhsʉ, ti jimari cuhture sʉ̃ mʉja tari pahrẽ sehe cũha wʉa pahmari cjʉainare, ã jichʉ cʉ̃ pjĩ, ñosari pjĩ cʉ̃hʉre. Tí pjĩ ã picha pohna wijaa siterucuri pjĩ jiha. Ã jichʉ waha mʉa, majareroca wihi mʉjari pjĩ cʉ̃hʉ jiha. Tí pjĩ, ã jichʉ tina wʉa pahmari cjʉaina cʉ̃hʉ, ã catirucuchʉ yoadʉ cahai waharore ã dʉcatarucuha, ne pairo dohse jiriro tʉ cahai ta, tí pocare “Chʉri” nia.

Génesis 4:2

Baharo Abe, Caĩ bahʉro cjihtore pohna tiha. Tina pʉaro bʉcʉari baharo, tiro Abe sehe ovejaare ñʉ wihboriro wahaha. Caĩ cʉ̃hʉ wesere dahrariro wahaha.

Génesis 4:25

à yoa Adão, Caĩ pʉcʉro sehe, to namono mehne ji, ticoro sehe cʉ̃iro mʉnocã pohna ti namoha. Pohna tiri baharo, õ sehe niha ticoro: —Pairocã yʉ macʉcã cjihto Cohamacʉ yʉhʉre wara tjoa. Caĩ to wajãriro cjiro cohtotariro jira —niha ticoro. à jiro tirocãre Sete ni wama pisuha. (“Sete” nino, “to wariro” nino, ahri pʉa wama cʉ̃no sehe bo cure bisica hebreo masa ya dʉsero mehne)

Génesis 5:29

To macʉnocãre “Noé” ni, wama pisuha, masa sochʉ yoahtiro to jichʉ masino. Ã jiro wihãriro Noé to dohse jia tihtire õ sehe ni yahu cũha to pʉcʉro Láme: —Dóipʉta ahri yahpai jiina ti yʉhdʉrʉcari buhiri Yawe tuaro dahrachʉ yoa dutimaha mari jipihtina masare. Ã jina mari chʉhtire tuaro mari dahraa mehne bocaro cahmana. Wiho mejeta ahriro nijinocã marine tíre sochʉ yoarohca —ni cũha. (“Noé” nino, “sochʉ yoariro” nino, ahri pʉa wama cʉ̃no sehe bo cure bisica hebreo masa ya dʉsero mehne)