Génesis 37:4 - Wanano OT Portions

⁴ Josére tina bui to cahĩchʉ ñʉa, tirore to wahmisʉma sehe ñʉ yabi dʉcaha. Tuhsʉ, tiro mehne sʉhʉdua cʉ̃hʉ purĩno mehne sʉhʉdu mʉjaa tiha tina.

Génesis 37:4 Iomraidhean Croise

Génesis 27:41

à yoa ti pʉcʉro Isaa Esaúre to sini payoboare Jacobo to mahño, mari buhiri tiro Esaú sehe to bahʉrore tuaro ñʉ yabi dʉcaha. à jiro tiro õ sehe ni tʉhotuha: “Yʉ pʉcʉ bʉcʉro jira. Pa tehe nino to yariahto mahanocã dʉhsaboca. To yariari baharo, yʉ bahʉre wajã cohãnocaihtja” ni, tʉhotuha.

Génesis 37:11

à jia to wahmisʉma sehe ti bahʉrore tuaro ñʉ tuhtiha. Ti ã ñʉ tuhtipachʉta, to pʉcʉro sehe to yahurire, “¿Dohse jiro baro ahriro ã cahãari?” ni, tʉhotu nʉnʉha.

Génesis 37:5

Cʉ̃ ñami tiro José sehe cahãha. Baharo to cahãrire to wahmisʉmare yahuha.

Génesis 4:5

Wiho mejeta tó sehe ñʉeraha Caĩ sehere. Ji coaeraro mehne ñʉha tirore, to ño payoa to wari mehne. Ã jiro tiro Caĩ ñano waro suaha. Ñano sua, ñari sʉsʉ̃ to wʉhdʉare yoaha.

Salmo 69:4

Israe masa bui pʉhtoro Davi to tuaro cahyari pjare õ sehe ni durucuha Cohamacʉ mehne: —Yʉhʉ soro yoaerapachʉta, yʉhʉre wiho waro yabiina sehe yʉ dapu pjoari bui payʉ waro jira. Tinare yʉ soro yoaerapachʉta, yʉhʉre wiho waro ñʉ tuhtiina sie sehe mehne payʉ waro waha namona. Tina yʉhʉre ti yare yʉ yacaerapachʉta, tuaro mehne “Mʉ yacarire wiaga mʉhʉ” ni mʉjana yʉhʉre wiho warota —ni cahyaro mehne Cohamacʉre durucuha Davi.