Génesis 37:12 - Wanano OT Portions

¹² Ã yoa cʉ̃ nʉmʉ José wahmisʉma sehe ti pʉcʉro yaina ovejaare, cabraa cʉ̃hʉre Siquẽ wama tiri macapʉ naa tiha. Tí macapʉ na sʉ, tói ovejaare tjare chʉ duti, ñʉ wihboa tiha.

Génesis 37:12 Iomraidhean Croise

Génesis 33:18

à yoa Jacobo Sucote yahpapʉ jimariro waha namo, Canaã yahpapʉ sʉha. Tó sehe yoa, Padã Arã yahpapʉ jimariro coha tjuaa sʉha jʉna. Ti tjuaarucuro puro tinare ne soro wahaeraha. Tópʉ tjuaa sʉro, Siquẽ wama tiri maca cahacãi ti wʉhʉsere tʉã dapo, tói jia tiha.

Génesis 37:1

Ahri quiti Jacobo ã jichʉ to pohna ya quiti jira. Tiro Jacobo sehe Canaã yahpapʉ, to pʉcʉro cjiro to jiri yahpapʉ jia tiha. Ã yoa to macʉno José sehe, diecisiete cʉhmari cjʉaro, to wahmisʉma mehne ovejaare, cabraare ñʉ wihboriro jia tiha. Tina to wahmisʉma sehe to pʉcʉro Jacobo Bila mehne, ã jichʉ Silpa mehne to pohna tiina jia tiha. Ã yoa tiro José sehe to wahmisʉma ti quihõno yoaerachʉ ñʉno, ti pʉcʉropʉre yahu mʉjaa tiha.

Génesis 37:11

à jia to wahmisʉma sehe ti bahʉrore tuaro ñʉ tuhtiha. Ti ã ñʉ tuhtipachʉta, to pʉcʉro sehe to yahurire, “¿Dohse jiro baro ahriro ã cahãari?” ni, tʉhotu nʉnʉha.

Génesis 37:13

Tópʉ ovejaare ñʉ wihbo, ti jiro watoi, ti pʉcʉro Israe sehe ti bahʉro Josére õ sehe niha: —Siquẽpʉ mʉ wahmisʉma yʉ ovejaare ñʉ wihboa nica. Tina cahapʉ wahaga mʉhʉ —niha tirore. —Jai. Wahaihtja —ni yʉhtiha tiro José.