Génesis 32:21 - Wanano OT Portions

²¹ Tó sehe yoa, Esaúre to wahtinare warocayuha. Warocayu tuhsʉ, tí cuhtuihta carĩha Jacobo.

Génesis 32:21 Iomraidhean Croise

Génesis 32:20

à yoa ahri cʉ̃hʉre boena tjiga. “Mʉ cahamacʉno cjihto cʉ̃hʉ sã baharo tarota nihre” ni, yʉhtiga mʉsa cʉ̃hʉ —niha. à yoaro, õ sehe ni tʉhoturo niha Jacobo: “Ahrina wahiquina yʉ pano yʉ warocayuinare tirore wa, niji sʉoihtja. Yʉ ã yoachʉ, tiro yʉhʉ mehne suasi, tirore yʉ boca sʉchʉ” ni, tʉhoturo niha.

Génesis 32:22

à yoa tí ñamihta Jacobo wahcãrʉcʉ sʉ, to namosanumia pʉaro numiare, to cahamaca numia pʉaro numiare, ã jichʉ to pohna mʉa, once cʉ̃hʉre Jabocopʉ na buhu sʉ, tí mácãi tinare ñumu pahã dutiha.

Génesis 43:11

To ã nichʉ tʉhoro, ti pʉcʉro sehe tinare õ sehe ni yʉhtiha: —Jai. Ne dohse yoahto basioerara marine. Ã jina õ sehe yoaga: Tirore wapa sinino marieno mʉsa wahtire mʉsa wajupʉ posaa, naahga. Mari jiri dihta macaa bui noaare naabasaga tirore. Pjacʉ wisõa se bálsamore, me sitia mirrare, paye me sitiare, yucʉ dicha pistáciore, almendrare, ã jichʉ miquina mine tí payʉ noaare mahaa tirore naabasaga.