Génesis 28:10 - Wanano OT Portions

¹⁰ Ã yoa tiro Jacobo sehe to pʉcʉro Isaa tirore to waha dutichʉ tʉhoro, waharo niha jʉna. Berseba wama tiri macai jiriro cjiro to bachʉro jiri maca, Harã wama tiri macapʉ wahari mahai waha dʉcaha.

Génesis 28:10 Iomraidhean Croise

Génesis 11:31

Abrã cʉ̃hʉ pʉcʉro Téra sehe Mesopotamia yahpai jiri maca, Ur jiriro wijaa, Canaã yahpapʉ waharo niha. Tí yahpapʉ waharo, to macʉno Abrãre, to panamino Lotere, ã jichʉ to macʉ namono Sarai cʉ̃hʉre naaha tiro. Wiho mejeta tina Canaãpʉta wahamaina jipahta, Harã wama tiri macapʉ sʉ, tói tjuaha.

Génesis 12:4

To ã nichʉ tʉhoro, Abrã Yawe dutiro seheta yoaha. To jiri maca, Harãi jiriro Canaã yahpapʉ waha turiaha. To jimari macare wijaa, Canaã yahpapʉ waharo, tiro setenta y cinco cʉhmari cjʉaha.

Génesis 12:5

Tiro waharo, to namono Saraire, to bahʉro macʉno Lotere, ti cjʉaa jipihtiare, ã jichʉ ti cahamaca cʉ̃hʉ, jipihtinare Harãi jia, ti bocarina cʉ̃hʉre naa pahñoha. Waha, Canaã yahpapʉ sʉha jʉna.

Génesis 27:43

Macʉ, tʉhoga yʉ õ sehe niare. Michapucacãta tirore duhti wahcãga yʉ wahmi Labã cahapʉ, Harã wama tiri macapʉ.

Génesis 32:10

Yʉhʉ wiho jiriro jipachʉta, mʉhʉ sehe yʉhʉre ã cahĩrucura. Tuhsʉ, mʉ niriro seheta yoa, sohtori tira. Panopʉre Padã Arã yahpapʉ wahma wahai, Jordão Mare pahãcʉ, yʉhʉ sehe ne yaba maerariro jia timai. Wahiquinare ñʉ wihbocʉ, yʉ cjʉadʉ, cʉ̃dʉreta cjʉariro jia timai yʉhʉ. Mipʉ sehere yaba maerariro jieraja. Cjʉaja yʉ masare, ã jichʉ yʉ wahiquinare. Tinare pʉa curua yʉ tju wa daporina mehne coha tjuaai nija.

Génesis 46:1

à yoa Jacobo sehe jipihtina to namosanumia, to pohna, to panamana mehne ti yare cahno, Egipto yahpapʉ waharo niha. à waharucuro, Berseba wama tiri macai tjua caha sʉ, tói to pʉcʉro Isaa cjiro to ño payoriro Cohamacʉre ño payoro taro, wahiquinare wajã, jʉ̃ wa mʉo, ño payoha tiro.