Génesis 28:1 - Wanano OT Portions

^1-3 Ã yoa Isaa sehe to macʉno Jacobore pjiroca, õ sehe ni yahuha tirore: —Õ macaricoro, Canaã yahpa macaricorore namo tii tjiga mʉhʉ. Mʉ yare cahno, mʉ poco coyea cahapʉ Padã Arã yahpapʉ wahaga. Tópʉ sʉcʉ, mʉ ñʉchʉ Betue ya wʉhʉi jiga. Ã yoa mʉ bachʉ Labã pohna numiare mʉ ji coaricorore cʉ̃coro bese, namo tiga —ni yahuha tirore. Yahu tuhsʉ, “Yʉ macʉre noano wahajaro” nino, õ sehe ni sini payoha: —Cohamacʉ Jipihtina Bui Tua Yʉhdʉrʉcʉ Sʉriro Waro noano wahachʉ yoajaro mʉhʉre. Payʉ pohna ti, mʉhʉre ji turia dijahtina payʉ jichʉ yoajaro. Ã yoaro, payʉ masa curuari ñʉchʉno cjihto jichʉ yoajaro mʉhʉre.

Génesis 28:1 Iomraidhean Croise

Génesis 24:3

—Ahri yahpa, yʉ jiri yahpa, Canaã yahpa macaricorore yʉ macʉ namo cjihto cahmaeraja. Ã jicʉ mʉ õ sehe yoachʉ cahmaja. Yʉ jimari yahpa cjiropʉ waha, yʉ coyea poto pohna numiare cʉ̃coro bese, yʉ macʉ Isaare sinibasai wahaga. Ã yoa mʉhʉ sehe Yawe, mʉanore, ã jichʉ ahri yahpa cʉ̃hʉre bajuamehneriro to ñʉrocaroi yʉhʉre cua pisaro mehne õ sehe ni yʉhtiga: “Jai. Wahaihtja. Mʉ yoa dutiro seheta yoa, sohtori tiihtja” ni, yʉhtiga yʉhʉre —niha Abrahã.

Génesis 24:37

Tirore cahĩno, “Yʉ macʉre õ sehe yoabasaga mʉhʉ” nihre yʉhʉre tiro. “Ahri yahpa, mipʉ yʉ jiri yahpa Canaã yahpa macaricorore yʉ macʉre cahmasãaeraja. Ã jicʉ yʉ pʉcʉ cjiro ya curua macaricoro, yʉ coyea poto maconore, yʉ macʉ namo cjihto sinibasai wahaga” nihre yʉhʉre yʉ ñarairo. Ã ni tuhsʉ, õ sehe ni yʉhti dutihre yʉhʉre: “Mʉ yoa dutiare quihõno yoa, sohtori tiihtja” ni, cua pisaro mehne yʉhʉre yʉhti dutihre tiro.

Génesis 27:46

Baharo to manʉno Isaa cahapʉ waha, “Jacobore pa sehepʉ warocajaro” nino, õ sehe niha tirore: —Esaú namosanumia, hitita masa numia mehne pume yʉhdʉa wahaca yʉhʉ. Jacobo cʉ̃hʉ ahri yahpa macaricoro hitita masonoreta to namo tichʉ, cahyaa mehne yariacohca yʉhʉ —niha ticoro Isaare.

Génesis 28:6

à yoa Jacobo wahmino Esaú sehe ti pʉcʉro Isaa Jacobore to sini payoa quitire tʉho bocaha. Tuhsʉ, tirore Padã Arã yahpapʉ namo ti duti to warocari cʉ̃hʉre tʉho bocaha. à yoa tirore ti jiri yahpa, Canaã macaricorore to cahmasãaeraa quiti cʉ̃hʉre tʉho bocaha.

Génesis 6:2

à yoa tina masa pohna numia, nuhmiare Cohamacʉ yaina sehe noano ñʉ, ji coaha. Ti ñʉ ji coaro sehe tina, ti ñʉ ji coa numiare ñʉ, beseha. Bese, namo tiha.