Génesis 27:28 - Wanano OT Portions

²⁸ Mʉ toaare Cohamacʉ coro waroca borojaro. Ã yoa mʉ toaa sehe noano du, bʉcʉa, payʉ dicha tichʉ yoajaro. Payʉ trigo ã yoa payʉ se co cʉ̃hʉre mʉhʉre cjʉachʉ yoajaro.

Génesis 27:28 Iomraidhean Croise

Génesis 27:37

To ã nichʉ, Isaa õ sehe ni yʉhtiha: —Tʉhoga mʉhʉ. Yʉhʉ yoato Jacobore mʉ pʉhtoro cjihto cũ tuhsʉhi. Ã yoa to coyea sehe to cahamaca jiahca. Tuhsʉ, cʉhmaripe payʉ trigo, payʉ se co cjʉarucurohca tiro, ni tuhsʉhi. Mipʉ pinihtare, macʉ, dohse yoa masieraca yʉhʉ mʉhʉre —niha.

Génesis 27:39

To ã tjuerachʉ ñʉno, Isaa sehe õ sehe niha tirore: —Noaa yahparire mʉ cõ yoaropʉ jiihca mʉhʉ. Mʉ ya yahparire ne coro tasi. Tuhsʉ, mʉ toaa cʉ̃hʉ noano bʉcʉasi.

Génesis 45:18

Tópʉ ti sʉri baharo, ti pʉcʉrore, ti namosanumiare, ti pohna jipihtinare yʉ cahapʉ na tajaro. Ti wihichʉ, õi Egiptoi jiri yahpa, pototi noari yahpare tinare waihtja. Tuhsʉ, ahri yahpa macaa chʉare jipihtia bui chʉhto noaa cʉ̃hʉre waihtja.