Génesis 24:3 - Wanano OT Portions

^3-4 —Ahri yahpa, yʉ jiri yahpa, Canaã yahpa macaricorore yʉ macʉ namo cjihto cahmaeraja. Ã jicʉ mʉ õ sehe yoachʉ cahmaja. Yʉ jimari yahpa cjiropʉ waha, yʉ coyea poto pohna numiare cʉ̃coro bese, yʉ macʉ Isaare sinibasai wahaga. Ã yoa mʉhʉ sehe Yawe, mʉanore, ã jichʉ ahri yahpa cʉ̃hʉre bajuamehneriro to ñʉrocaroi yʉhʉre cua pisaro mehne õ sehe ni yʉhtiga: “Jai. Wahaihtja. Mʉ yoa dutiro seheta yoa, sohtori tiihtja” ni, yʉhtiga yʉhʉre —niha Abrahã.

Génesis 24:3 Iomraidhean Croise

Génesis 14:19

Tiro Abrãre piti bocaro sʉro, õ sehe ni sini payoha tirore: —Cohamacʉ Jipihtina Bui Ji Yʉhdʉrʉcʉ Sʉriro, ahri yahpare, mʉano cʉ̃hʉre bajuamehneriro, mʉhʉre noano wahachʉ yoajaro.

Génesis 14:22

To ã nichʉ, Abrã õ sehe ni yʉhtiha: —Yawe, Jipihtina Bui Ji Yʉhdʉrʉcʉ Sʉriro, mʉano, ã jichʉ ahri yahpare bajuamehneriro to tʉhoroi cua pisaro mehne õ sehe nija:

Génesis 24:7

Tópʉta yʉ pʉcʉsʉma mehne, yʉ coyea mehne jia timai yʉhʉ. Tí yahpapʉ jiriroreta Yawe, mʉanore bajuamehneriro yʉhʉre na wiohre. Yʉhʉre to na wiori baharo, cua pisaro mehne ahri yahpare, mipʉ mari jiri yahpare “Mʉ panamana mʉhʉre ji turiahtinare waihtja” ni tuhsʉa tire yʉhʉre tiro. Ã jiro cʉ̃iro to anjore mʉhʉ mehne warocarohca tó macaricoro yʉ macʉ namo cjihtore boca, mʉ na tahto sehe.

Génesis 27:46

Baharo to manʉno Isaa cahapʉ waha, “Jacobore pa sehepʉ warocajaro” nino, õ sehe niha tirore: —Esaú namosanumia, hitita masa numia mehne pume yʉhdʉa wahaca yʉhʉ. Jacobo cʉ̃hʉ ahri yahpa macaricoro hitita masonoreta to namo tichʉ, cahyaa mehne yariacohca yʉhʉ —niha ticoro Isaare.

Génesis 28:1

à yoa Isaa sehe to macʉno Jacobore pjiroca, õ sehe ni yahuha tirore: —Õ macaricoro, Canaã yahpa macaricorore namo tii tjiga mʉhʉ. Mʉ yare cahno, mʉ poco coyea cahapʉ Padã Arã yahpapʉ wahaga. Tópʉ sʉcʉ, mʉ ñʉchʉ Betue ya wʉhʉi jiga. à yoa mʉ bachʉ Labã pohna numiare mʉ ji coaricorore cʉ̃coro bese, namo tiga —ni yahuha tirore. Yahu tuhsʉ, “Yʉ macʉre noano wahajaro” nino, õ sehe ni sini payoha: —Cohamacʉ Jipihtina Bui Tua Yʉhdʉrʉcʉ Sʉriro Waro noano wahachʉ yoajaro mʉhʉre. Payʉ pohna ti, mʉhʉre ji turia dijahtina payʉ jichʉ yoajaro. à yoaro, payʉ masa curuari ñʉchʉno cjihto jichʉ yoajaro mʉhʉre.

Génesis 28:8

Tí quitire tʉho bocaro, õ sehe ni tʉhotuha tiro: “Mipʉ masija. Yʉhʉ sehe ahri yahpa, Canaã yahpa macaa numiare, pʉaro numiare namo timahi. Yʉ pʉcʉ sehe tí numiare ñʉ ji coaerari jira. Ã jicʉ tí numiare cohãerapaihta waha, yʉ coyea poto maconore yʉ namo ti namochʉ, noaboca yʉhʉre” ni, tʉhotuha tiro. Ã ni tʉhoturo, to ñʉchʉno Abrahã cjiro macʉno Ismae cahapʉ wahaa wahaha. Tópʉ sʉ, Ismae macono Mahalatere namo tiha tjoa. Ticoro Mahalate sehe Nebaiote bahoro jiha.

Génesis 6:2

à yoa tina masa pohna numia, nuhmiare Cohamacʉ yaina sehe noano ñʉ, ji coaha. Ti ñʉ ji coaro sehe tina, ti ñʉ ji coa numiare ñʉ, beseha. Bese, namo tiha.

Génesis 6:4

à yoa tí pjare Cohamacʉ yaina sehe masa pohna numia, ti besea numia mehne ji, tina pohna tiha. Ti pohna sehe ñano mʉaina jiha. Tuhsʉ, tí pjapʉre ti tuaro durucu, wacũnohorina jiha. à yoa baharopʉ cʉ̃hʉre ãta jia tiha tina.

Éxodo 20:7

‘Ã yoa yʉ wama Yawe mʉsa Cohamacʉ wamare wiho warota wama payo, pisuena tjiga. Mʉsa durucua quihõno jierapachʉta, wiho warota yʉ wamare mʉsa wama payo pisuchʉhna, mʉsare buhiri dahreihtja.