Génesis 24:14 - Wanano OT Portions

¹⁴ Ã yoa cʉ̃coro ahri copa macaa core wa na, tju payo wahcãricorore õ sehe ni siniihtja: “¿Mʉ tju payori siture na dijoerabocari mʉhʉ? Core sihni duamaca yʉhʉ” ni, siniihtja. Yʉ ã ni sinichʉ, “Jai. Sihniga. Mʉ camelloa cʉ̃hʉre soro co wacohtja” ni, to yʉhtichʉ cahmamaca yʉhʉ. To ã ni yʉhtichʉ tʉhoi, “Ahricorota jica mʉ cahamacʉno Isaare mʉ cahmasãaricoro” ni, masiihca yʉhʉ. Ã yoa yʉ sinino seheta wahachʉ ñʉi, “Abrahã yʉ ñarairore Cohamacʉ sehe noano yoara” ni, masiihca yʉhʉ —ni siniha tiro Cohamacʉre.

Génesis 24:14 Iomraidhean Croise

Génesis 15:8

To ã nichʉ, õ sehe ni sinitu ñʉha Abrã: —Yawe, yʉ Pʉhtoro, ¿dohse yoa “Potocãta yʉ ya yahpata jira” ni, masiihcari yʉhʉ? —ni sinitu ñʉha Abrã.

Génesis 24:13

Õ sehe wahachʉ yoaga. Ahri maca macaina nuhmia ahri copai co ti waa tachʉ, õihta jiihca yʉhʉ.

Génesis 24:15

To ã ni sinino watoi, cʉ̃coro nuhmino co to wahti siture tju payoricoro buha tarucuha. Ticoro Betue macono Rebeca jiha. Betue sehe Naco, Milca cʉ̃hʉ cjiri macʉno jia tiha. Naco cjiro sehe Abrahã bahʉro jia tiha.

Génesis 24:18

Ticoro sehe, —Jai. Wacohtja —ni yʉhtiha tirore. Ã ninota, tí siture na dijo, tirore tjuha.

Génesis 24:19

To sihniri baharo, ticoro sehe: —Mʉ camelloa cʉ̃hʉre ti sihnihti co wacohtja noho puro ti sihni duaro puro —niha.

Génesis 24:43

Õi co ti nari copa cahai yʉ jichʉ, õ sehe wahachʉ yoaga: Cʉ̃coro nuhmino ahri copa macaa core waro taricorore õ sehe ni siniihtja: ‘Mʉ co tju payori siture na dijoga. Tí situ macaa core sihnii tai nija’ ni siniihtja.

Génesis 24:44

Yʉ ã ni sinichʉ, ‘Jai. Sihniga. Mʉ camelloa cʉ̃hʉre soro co wacohtja’ ni, yʉhʉre yʉhtiricoro, ticorota jijaro yʉ ñarairo macʉnore mʉ cahmasãaricoro” ni, sinihi yʉhʉ Yawere.