Génesis 24:10 - Wanano OT Portions

¹⁰ Ã ni yʉhti tuhsʉ, to ñarairo ya, noaa, wapa tia barore beseha. Tí sehe numino to na tahticorore, ã jichʉ ticoro pʉcʉsʉmare wapa marieno to wahti jiha. Tíre bese tuhsʉ, diez camelloa, to ñarairo yaina mehne wahaa wahaha Mesopotamia yahpapʉ. Waha, tí yahpapʉ sʉ, Abrahã bahʉro Naco cjiro to jimari macapʉ sʉro cahacãpʉ sʉha.

Génesis 24:10 Iomraidhean Croise

Génesis 11:26

à yoa tiro Téra sehe setenta cʉhmari cjʉaro, tiaro pohna tiha, mʉare. Abrã, Harã, Naco jiha ti wama.

Génesis 11:29

Harã mʉnono bahʉro Naco sehe tiro mʉnono macono Milcáre namo tiha. Harã mʉnono wahmino Abrã sehe Saraire namo tiha.

Génesis 11:31

Abrã cʉ̃hʉ pʉcʉro Téra sehe Mesopotamia yahpai jiri maca, Ur jiriro wijaa, Canaã yahpapʉ waharo niha. Tí yahpapʉ waharo, to macʉno Abrãre, to panamino Lotere, ã jichʉ to macʉ namono Sarai cʉ̃hʉre naaha tiro. Wiho mejeta tina Canaãpʉta wahamaina jipahta, Harã wama tiri macapʉ sʉ, tói tjuaha.

Génesis 11:32

Tiro Téra sehe dosciento cinco cʉhmari cjʉariro tí macai, Harãihta yariaa wahaa tiha.

Génesis 24:2

à yoa cʉ̃ dacho to cahamacʉno, paina to cahamaca bui to wacũ tuariro, to ya jipihtiare ñʉ wihbobasarirore pjiroca, õ sehe niha Abrahã:

Génesis 24:22

à yoa camelloare to sihõ tuhsʉri baharo, tiro sehe cʉ̃ sorocã, uru sorocãre na, ticoro to quẽ copari dacho macai duhu yoha. Wamomaca sãa sorori, uru sorori, pʉa soro cʉ̃hʉre waha.

Génesis 24:53

Baharo uru mehne, ã jichʉ plata si paa mehne ti yoaa, cahmono yosaare, bʉsaa darire, wamo pica sãa sororire, ã jichʉ suhti cʉ̃hʉre waha Rebecare. Ã yoa ticoro wahminore, to pocoro cʉ̃hʉre paye baro wapa bʉjʉare waha.

Génesis 27:43

Macʉ, tʉhoga yʉ õ sehe niare. Michapucacãta tirore duhti wahcãga yʉ wahmi Labã cahapʉ, Harã wama tiri macapʉ.

Génesis 29:1

à yoa tiro Jacobo sehe to wahari mahai waharucuha tjoa. Tí mahai waha, pʉ sʉ̃ mʉja taro caha sehe macaina ya yahpapʉ sʉha. Resumen: Tí yahpapʉ to pocoro coyea sehe jia tiha. Tí yahpapʉ sʉ, tina mehne yoari pja jia tiha tiro. Tina mehne jiro, pʉaro numia, to namosanumia cjihtire bocaa tiha. To bachʉro waro pohna numia jia tiha, tí numia. Lía, Raque wama tia numia jia tiha. Tuhsʉ, to namosanumia ti cahamaca numia, pʉaro numia cʉ̃hʉre namo tiha tiro. Tí numia sehe Bila, Silpa wama tia numia jia tiha. Tí numia pititiaro numia mehne tí yahpapʉ jiro, once waro pohna tiha tiro.