Génesis 22:8 - Wanano OT Portions

⁸ To ã nichʉ tʉhoro, tiro Abrahã sehe õ sehe ni yʉhtiha: —Cohamacʉ masinohca tiro ovejacã mʉnore mari wajã, jʉ̃ wa mʉohtirore. Tiro masinohca, macʉ —ni yʉhtiha to pʉcʉro. Tina pʉaro mʉjaarucusinia niha.

Génesis 22:8 Iomraidhean Croise

Génesis 18:14

¿Yʉhʉre mijo yʉhdʉa, yʉ yoa masieraa baro jijari? Mipʉ tari cʉhmai, nueve sʉ̃ri baharo, pari turi mʉsare ñʉi taihtja tjoa. Tí pjai Sara cʉ̃iro nijinocã mʉnocãre pohna tirohca —ni yahu quihõha Abrahãre.

Génesis 22:14

à wahachʉ ñʉno, Abrahã to ã wahari cuhture õ sehe ni wamoaha: “Yawe mari cahmaare masi, quihõno wara marine” ni, wamoaha tí cuhture. à jia mipʉ macaina cʉ̃hʉ õ sehe nisinica: “Ahdʉ tʉ̃cʉ sohtoapʉ mari cahmaare masi, quihõno wara Yawe” nisinica.

Génesis 22:7

Mahano mʉjaarucuroi tiro to macʉno sehe õ sehe ni sinitu ñʉha to pʉcʉro Abrahãre: —¡Mai! —niha. —¿Dohse macʉ? —ni yʉhtiha. —Pichaca, ã jichʉ picha cʉ̃hʉre mari naaja. Wiho mejeta ovejacã mʉno mari wajã, jʉ̃ wa mʉohtiro sehe, ¿nohoi jicari tiro mari Cohamacʉre ño payohtiro cjihto? —niha Isaa sehe.

Génesis 22:9

à yoa tina, Cohamacʉ to yahu quihõdʉ sohtoapʉ mʉja sʉha jʉna. Mʉja sʉri baharo, Abrahã tãa mehne pari tuhu dahre mʉoha. Dahre mʉo tuhsʉ, to pichare cahno payoha. Cahno payo tuhsʉ, to macʉno Isaare dʉhteha. Tuhsʉ, tirore na mʉo, to tãa mehne dahre mʉori tuhu bui, picha to cahno payori tuhu buipʉ payoha to macʉnore.