Génesis 22:3 - Wanano OT Portions

³ To ã nichʉ tʉhoro, pa nʉmʉre bohrearocã to burrocã buire dujia cahnoha tiro. Cahno tuhsʉ, to wajãhtirore to jʉ̃ wa mʉohti picha cʉ̃hʉre dʉte, cahnoha. Cahno tuhsʉ, to macʉno Isaa mehne, ã jichʉ to cahamaca pʉaro mehne Cohamacʉ to waha dutiropʉ wahaa wahaha tiro Abrahã.

Génesis 22:3 Iomraidhean Croise

Génesis 17:23

To wahari baharo, tí dachoihta Abrahã sehe to dutiro seheta yoa dʉcaha. To macʉno Ismae cuhnu cũnʉ sohtoa macari cahsarocãre yihso naha. Ã yoa paina tiro mehne macainare, ã jichʉ jipihtina to cahamacare, to cahamaca pohnare, ã jichʉ pa sehe macainare to nuchʉrina cʉ̃hʉre yihso naha.

Génesis 22:18

Tuhsʉ, mʉhʉre ji nʉnʉ tihtina painapʉ cʉ̃hʉre, payʉ masare noano wahachʉ yoa turiahtina jiahca tina, jipihtina ahri yahpa masa curuaripe macainare. Mʉhʉ sehe yʉhʉre ne yʉhdʉrʉcaro marieno yʉ nino seheta yoahre. Ã jicʉ yʉhʉ mʉhʉre õ sehe ni yahuare yʉ nino seheta mʉhʉre potocã sohtori tiihtja —ni yahuha Yawe tirore.

Génesis 22:2

To ã nichʉ tʉhoro, Cohamacʉ sehe tirore õ sehe ni yahuha: —Mʉ macʉ cʉ̃iro jiriro, Isaare, mʉ tuaro cahĩrirore naaga Moria yahpapʉ. Tópʉ tʉ̃cʉ, yʉ mʉhʉre ñohtʉ sohtoapʉ mʉ macʉre wajã, jʉ̃ wa mʉo, yʉhʉre ño payoga —niha.

Génesis 22:4

Tia nʉmʉ waharoi, tʉ̃cʉ Cohamacʉ to yahu quihõdʉ yoaropʉ bajurucuha.