Génesis 22:2 - Wanano OT Portions

² To ã nichʉ tʉhoro, Cohamacʉ sehe tirore õ sehe ni yahuha: —Mʉ macʉ cʉ̃iro jiriro, Isaare, mʉ tuaro cahĩrirore naaga Moria yahpapʉ. Tópʉ tʉ̃cʉ, yʉ mʉhʉre ñohtʉ sohtoapʉ mʉ macʉre wajã, jʉ̃ wa mʉo, yʉhʉre ño payoga —niha.

Génesis 22:2 Iomraidhean Croise

Génesis 17:19

To ã nichʉ tʉhoro, Cohamacʉ sehe õ sehe ni yʉhtiha: —Jierara. Mʉ macʉ Ismaere ahri yʉ ã nia ne sãerara. Yʉ nino seheta mʉ namo Sara mʉnocãre pohna tirohca. Tirocãre “Isaa” ni, pisuga. Tiro sehe jirohca ya curua macariro cjihto. Ã jiro cua pisaro mehne yʉ mʉhʉre yahuri tiro Isaa cjihto cʉ̃hʉre sãna. Ã yoa to panamana ji turiahtina cʉ̃hʉ boro marieno ã cjʉa turia wahcãahca yʉ ã niare.

Génesis 21:12

To wio duaerachʉ ñʉno, Cohamacʉ sehe tirore õ sehe ni yahuha: —Mʉ namo Sara mʉhʉre to sinino seheta yoaga. Mʉ cahamaconore, ã yoa to macʉno cʉ̃hʉre cohã wionocaga. Tuhsʉ, tina mehne ñano yajeripohna tii tjiga mʉhʉ. Masija. Mʉ cahamacono macʉno cʉ̃hʉ mʉ macʉta jira. Ã jicʉ tiro cʉ̃hʉre pjiri curua wahachʉ yoaihtja. Wiho mejeta wacũga yʉ mʉhʉre nirire. Yʉhʉ sehe mʉhʉre, “Ismae yʉ ya curua macariro cjihto jisi. Isaa sehe jirohca ya curua macariro cjihto” ni tuhsʉhi. Ã jicʉ mʉ macʉ Isaa mehneta payʉ mʉ panamana cjihti ji turia wahcãchʉ yoaihtja. Tina sehe jiahca yʉ ya curua macaina cjihti —ni yahuha Cohamacʉ Abrahãre.

Génesis 21:3

Sara to cjʉabasarirocãre Abrahã sehe, “Isaa” ni, pisuha.

Génesis 22:12

à yoa Yawe õ sehe ni yʉhtiha tirore: —Ne ñano yoaecʉ tjiga tirore. Mipʉ pini masija cua pisaro mehne yʉhʉre mʉ ño payoare. Ne soro nieracʉhta, “Mʉ macʉ cʉ̃iro jirirore wajã, jʉ̃ wa mʉo, ño payoga yʉhʉre” yʉ mʉhʉre ni sinichʉ, “Ne yoasi” nierara mʉhʉ yʉhʉre —niha.

Génesis 22:16

Õ sehe ni yahuha: —Yʉ yoa dutiare ne soro nieracʉhta, yoara mʉhʉ. “Mʉ macʉ cʉ̃iro jirirore wajã, jʉ̃ wa mʉo, ño payoga yʉhʉre” yʉ mʉhʉre ni sinichʉ, “Ne yoasi” nierara mʉhʉ yʉhʉre. Ã jicʉ yʉhʉ Yawe sehe mʉhʉre cua pisaro mehne yʉ yahuare potocã sohtori tiihtja.

Génesis 22:3

To ã nichʉ tʉhoro, pa nʉmʉre bohrearocã to burrocã buire dujia cahnoha tiro. Cahno tuhsʉ, to wajãhtirore to jʉ̃ wa mʉohti picha cʉ̃hʉre dʉte, cahnoha. Cahno tuhsʉ, to macʉno Isaa mehne, ã jichʉ to cahamaca pʉaro mehne Cohamacʉ to waha dutiropʉ wahaa wahaha tiro Abrahã.

Génesis 22:9

à yoa tina, Cohamacʉ to yahu quihõdʉ sohtoapʉ mʉja sʉha jʉna. Mʉja sʉri baharo, Abrahã tãa mehne pari tuhu dahre mʉoha. Dahre mʉo tuhsʉ, to pichare cahno payoha. Cahno payo tuhsʉ, to macʉno Isaare dʉhteha. Tuhsʉ, tirore na mʉo, to tãa mehne dahre mʉori tuhu bui, picha to cahno payori tuhu buipʉ payoha to macʉnore.

Génesis 8:20

à yoa wija ta pihtiri baharo jʉna, tiro Noé sehe tãa mehne pari tuhu dahre mʉoha. Dahre mʉo tuhsʉ, Noé cãina wahiquina, ã jichʉ wʉina cʉ̃hʉre masa Yawere ño payoa taa, ti wajãsoinapere beseha. To beserinare wajã, tãa tuhu, to cahnori tuhu buipʉ jʉ̃ wa mʉoha. Tó sehe yoa, Yawere ño payoha.