Génesis 22:12 - Wanano OT Portions

¹² Ã yoa Yawe õ sehe ni yʉhtiha tirore: —Ne ñano yoaecʉ tjiga tirore. Mipʉ pini masija cua pisaro mehne yʉhʉre mʉ ño payoare. Ne soro nieracʉhta, “Mʉ macʉ cʉ̃iro jirirore wajã, jʉ̃ wa mʉo, ño payoga yʉhʉre” yʉ mʉhʉre ni sinichʉ, “Ne yoasi” nierara mʉhʉ yʉhʉre —niha.

Génesis 22:12 Iomraidhean Croise

Génesis 22:13

To ã niri baharo, Abrahã ñʉrocamahno, ñʉ bocaha. Cʉ̃iro oveja mʉno, cʉ̃dʉ yucʉcʉ yahpadʉcã dʉpʉri payʉdʉi to saharipʉ suhri wahãriro ducuha. To macʉnore yoaborire tiro sehere nano waha, wajã, jʉ̃ wa mʉo, ño payoha Cohamacʉre jʉna.

Génesis 22:16

Õ sehe ni yahuha: —Yʉ yoa dutiare ne soro nieracʉhta, yoara mʉhʉ. “Mʉ macʉ cʉ̃iro jirirore wajã, jʉ̃ wa mʉo, ño payoga yʉhʉre” yʉ mʉhʉre ni sinichʉ, “Ne yoasi” nierara mʉhʉ yʉhʉre. Ã jicʉ yʉhʉ Yawe sehe mʉhʉre cua pisaro mehne yʉ yahuare potocã sohtori tiihtja.

Génesis 22:2

To ã nichʉ tʉhoro, Cohamacʉ sehe tirore õ sehe ni yahuha: —Mʉ macʉ cʉ̃iro jiriro, Isaare, mʉ tuaro cahĩrirore naaga Moria yahpapʉ. Tópʉ tʉ̃cʉ, yʉ mʉhʉre ñohtʉ sohtoapʉ mʉ macʉre wajã, jʉ̃ wa mʉo, yʉhʉre ño payoga —niha.

Génesis 42:18

Bato tiri dachoi tinare õ sehe niha: —Yʉhʉ cua pisaro mehne Cohamacʉre ño payoriro jija. Ã jicʉ wiho warota mʉsare wajã duaeraja. Ã jii mʉsa õ sehe yoachʉ, mʉsare wajãsi.

Éxodo 20:20

Ti ã nichʉ tʉhoro, Moise sehe õ sehe ni yʉhtiha tinare: —Cuiena tjiga. Mʉsa ñʉrocaroi to tuaa tiare ñono nina tiro mʉsare. Ã ñono, õ sehe ni tʉhotu, jia tirucuchʉ yoa duaro nina tiro mʉsare: “Tua yʉhdʉrʉcʉ sʉriro waro jira Cohamacʉ. Ã jina mipʉre tirore yʉhdʉrʉcaro marieno cua pisaro mehne ã ño payorucujihna mari tirore” ni, tʉhotu, jia tirucuchʉ yoa duaro nina mʉsare —ni yʉhtiha Moise tinare.