Génesis 21:3 - Wanano OT Portions

³ Sara to cjʉabasarirocãre Abrahã sehe, “Isaa” ni, pisuha.

Génesis 21:3 Iomraidhean Croise

Génesis 17:19

To ã nichʉ tʉhoro, Cohamacʉ sehe õ sehe ni yʉhtiha: —Jierara. Mʉ macʉ Ismaere ahri yʉ ã nia ne sãerara. Yʉ nino seheta mʉ namo Sara mʉnocãre pohna tirohca. Tirocãre “Isaa” ni, pisuga. Tiro sehe jirohca ya curua macariro cjihto. Ã jiro cua pisaro mehne yʉ mʉhʉre yahuri tiro Isaa cjihto cʉ̃hʉre sãna. Ã yoa to panamana ji turiahtina cʉ̃hʉ boro marieno ã cjʉa turia wahcãahca yʉ ã niare.

Génesis 17:21

Wiho mejeta tiro ya curua macariro cjihto jisi. Isaa sehe jirohca ya curua macariro cjihto. Pa cʉhmare ahri sʉ̃ baroihta tirocãre mʉ namo Sara pohna tirohca —ni yahuha Cohamacʉ Abrahãre.

Génesis 21:12

To wio duaerachʉ ñʉno, Cohamacʉ sehe tirore õ sehe ni yahuha: —Mʉ namo Sara mʉhʉre to sinino seheta yoaga. Mʉ cahamaconore, ã yoa to macʉno cʉ̃hʉre cohã wionocaga. Tuhsʉ, tina mehne ñano yajeripohna tii tjiga mʉhʉ. Masija. Mʉ cahamacono macʉno cʉ̃hʉ mʉ macʉta jira. Ã jicʉ tiro cʉ̃hʉre pjiri curua wahachʉ yoaihtja. Wiho mejeta wacũga yʉ mʉhʉre nirire. Yʉhʉ sehe mʉhʉre, “Ismae yʉ ya curua macariro cjihto jisi. Isaa sehe jirohca ya curua macariro cjihto” ni tuhsʉhi. Ã jicʉ mʉ macʉ Isaa mehneta payʉ mʉ panamana cjihti ji turia wahcãchʉ yoaihtja. Tina sehe jiahca yʉ ya curua macaina cjihti —ni yahuha Cohamacʉ Abrahãre.

Génesis 21:6

à yoa Sara õ sehe niha: —Cohamacʉ yʉhʉre noaputiaro yoara. Tiro yʉhʉre wahchero mehne bʉjʉchʉ yoara. Tuhsʉ, jipihtina ahri quitire tʉhoina cʉ̃hʉ yʉ yoaro seheta wahchero mehne bʉjʉahca —niha.

Génesis 22:2

To ã nichʉ tʉhoro, Cohamacʉ sehe tirore õ sehe ni yahuha: —Mʉ macʉ cʉ̃iro jiriro, Isaare, mʉ tuaro cahĩrirore naaga Moria yahpapʉ. Tópʉ tʉ̃cʉ, yʉ mʉhʉre ñohtʉ sohtoapʉ mʉ macʉre wajã, jʉ̃ wa mʉo, yʉhʉre ño payoga —niha.

Génesis 25:19

Ahri quiti, Abrahã cjiro macʉno Isaa ya quiti jira.