Génesis 2:8 - Wanano OT Portions

⁸ Ã yoa tiro, sʉ̃ mʉja taro sehe, Edẽ wama tiroi, cʉ̃ cuhtu, ñʉhto noano, jihto noari cuhture cahnoha. Cahno tuhsʉ, tiro mʉno to dahrerirore tói cũha.

Génesis 2:8 Iomraidhean Croise

Génesis 13:10

To ã nichʉ tʉhoro, Lote sehe ñʉ siterocaha. Ã ñʉ siterocaro, Jordão ma dʉhtʉ cahai cʉ̃ dʉhtero, noari dʉhterore ñʉ bocaha. Pʉ Soá wama tiri macapʉ tí dʉhtero jipihtiro noari wapa ji batoha. Panopʉ Yawe Adãore to cũmari dʉhtero yoaro sehe, tuhsʉ, Egipto yahpa yoaro sehe noano mári tiri dʉhtero jia tiha tí dʉhtero. (Tó sehe jia timaha, Yawe Sodoma, Gomorra wama tia macarire to jʉ̃ cohãhto panore)

Génesis 3:23

à jiro tiro Cohamacʉ Yawe Edẽ yahpai ñʉhto noano, jihto noari cuhtu to cahnori cuhtui jimarinare cohã wioha. Mʉnore dihta mehne to yoarirore dihtare dahra dutiha.

Génesis 3:24

Tinare cohã wio tuhsʉ, ti jimari cuhture sʉ̃ mʉja tari pahrẽ sehe cũha wʉa pahmari cjʉainare, ã jichʉ cʉ̃ pjĩ, ñosari pjĩ cʉ̃hʉre. Tí pjĩ ã picha pohna wijaa siterucuri pjĩ jiha. Ã jichʉ waha mʉa, majareroca wihi mʉjari pjĩ cʉ̃hʉ jiha. Tí pjĩ, ã jichʉ tina wʉa pahmari cjʉaina cʉ̃hʉ, ã catirucuchʉ yoadʉ cahai waharore ã dʉcatarucuha, ne pairo dohse jiriro tʉ cahai ta, tí pocare “Chʉri” nia.

Génesis 4:16

à yoa tiro Yawe mehne durucu ducumariro cjiro wahaa wahaha jʉna. To jiri yahpare wijaa dojoaro niha. Nodo wama tiri dihtapʉ sʉ, tói jiha. Edẽ yahpa sehere sʉ̃ mʉja taro sehe tjuaha tó.