Génesis 19:3 - Wanano OT Portions

³ Ti ã ni yʉhtipachʉta, tiro sehe tinare, “Jai” nieraha. Payʉ tahari tinare, “Ya wʉhʉpʉ carĩna taga” ni mʉjaha. Payʉ tahari to ã ni mʉjachʉ tʉhoa, tina sehe tirore yʉhtiha. “Jai” ni, tiro mehne to ya wʉhʉpʉ wahaha jʉna. Tinare to ya wʉhʉpʉ na sʉ tuhsʉ, to cahamacare noaa chʉare yoa dutiha tiro. Pão curiri cʉ̃hʉre, tíre bʉcʉachʉ yoaare moreno marieno yoa dutiha, “Yoari pja wahari” nino. Tina to wʉhʉi na sʉrina sehe chʉare ti tuhsʉri baharo, chʉha jʉna.

Génesis 19:3 Iomraidhean Croise

Génesis 19:2

à yoa tiro õ sehe niha tinare: —Yʉ coyea, yʉhʉ mʉsare yoadohoihtja. Yʉ ya wʉhʉi micha ñamine carĩsinina taga. Tói mʉsa dahpori cʉ̃hʉre cosawega. Ñamichaca bohrea caharocãpʉ yʉhdʉ wahcãga tjoa —niha. To ã nichʉ tʉhoa, tina sehe õ sehe ni yʉhtiha tirore: —Noanohca. Cahmaeraja. Wʉhʉse sopacaripʉ coã carĩnocanahtja —ni yʉhtiha tirore.

Génesis 21:8

Isaa bʉcʉro curero to wahachʉ ñʉa, to pʉcʉsʉma sehe tirocãre pũ duhu dutiha. Tirocã to pũ duhuri baharo, Abrahã sehe pjiri bose nʉmʉ yoa payoha.

Génesis 24:31

Labã sehe to cahai sʉ, tirore õ sehe niha: —Mʉhʉ, Yawe to noano wahachʉ yoariro, taga yʉhʉ mehne. Õpʉ maca wijaropʉ jii tjiga mʉhʉ. Yʉ ya wʉhʉi mʉsa carĩhtore, ã yoa mʉsa camelloa ti jihto cʉ̃hʉre cahnoyu tuhsʉhi —niha tiro.

Éxodo 12:15

à yoa Moise cʉ̃hʉre õ sehe ni yahu namoha Yawe: —Tí bose nʉmʉre ti yʉhdori baharore, cʉ̃ somana waro bʉcʉachʉ yoaare ti more mahnoeraa pão dihtare chʉjaro tina. à jia wahma ti chʉ dʉcari dachore pãore bʉcʉachʉ yoaare ti wʉhʉseripʉ ti cjʉaare na, pa sehepʉ wihbosinijaro mini. Yʉ ã ni yahuri baharo jipachʉta, diro tí somanare bʉcʉachʉ yoaare ti morea pãore to chʉchʉ, tirore cohã wionocajaro. Mʉ yahu turiarire to yʉhdʉrʉcari buhiri, tiro ne pari turi israe masa curua mehne cʉ̃noi ji namoeno tjijaro.

Éxodo 12:39

à wahaa, tina dahre chʉ duama, soha. Egipto masa tinare ño duaro mehne ti cohã wiochʉ, tinare ti dahre chʉboro waeraha. Tuhsʉ, ti naari pão puhtire bʉcʉachʉ yoaa mehne ti moreboro cʉ̃hʉ waeraha. à jia tina wiho pjaa curiri dahre, chʉ bahrañoa tiha.