Génesis 19:15 - Wanano OT Portions

¹⁵ Tinare to ã ni yahuri baharo, bohrea dija tachʉ waro, tina pʉaro anjoa Lotere õ sehe niha: —Mʉ namore, ã jichʉ mʉ pohna numiare ño duaro mehne pa sehepʉ naahga, ahri macare sã buhiri dahrechʉ, yaria duaerana —niha tina tirore.

Génesis 19:15 Iomraidhean Croise

Génesis 19:14

Ti ã nichʉ tʉhoro, to bujisʉma cjihtire yahuro wahamaha. Ti cahapʉ sʉ, õ sehe ni yahuha tinare: —¡Cjero! Ño duaro mehne ahri macare wijaa wahaga mʉsa. Yawe ahri macare jʉ̃ cohãno taro niyuhti —ni yahumaha tinare. Wiho mejeta tina sehe cua pisaro mehne tʉhoeraha tirore. Bʉjʉpero yoaro sehe tʉhoha.

Génesis 19:16

Ti ã ni yahupachʉta, tiro sehe ne soaeraha. To ã soaerapachʉta, “Ahriro Yawe pja ñʉriro jira” nia, tina anjoa, Lotere, ã jichʉ to namono, ã yoa to pohna numia cʉ̃hʉre jipihtiro tinare ti wamomacaripʉ ñaha, ño duaro mehne tʉã mʉ wahcãa wahaha. Ti yariaerahto sehe tí macai jiinare tó sehe yoa, na wioha tina.

Génesis 19:17

Tí maca dʉhtʉ cahapʉ tinare na sʉ, cʉ̃iro anjo õ sehe niha tinare: —Jʉ̃ yaria duaerana, tjuarʉcʉ sʉro marieno, tuhsʉ, majare ñʉno marieno tʉ̃ yucʉri cahapʉ mʉroca wahcãa wahaga. Tí yucʉri cahapʉ sʉna, yariasi mʉsa —niha tinare.

Génesis 19:22

à jicʉ ño duaro tí macapʉ wahaa wahaga. Cohamacʉ tuaro pja ñʉna mʉhʉre. à jicʉ tí macacãpʉ mʉ sʉerasinichʉ, ahri macare jʉ̃ cohãsinisi yʉhʉ —ni yʉhtiha. Lote, “Tí maca mahari macacã jira” ni, to yahuri baharo, tí maca, “Soá” wama ti dʉcaha. (“Soá” ni pisuri wama, “mahanocã” niri wama jica hebreo masa ya dʉsero mehne)