Génesis 18:8 - Wanano OT Portions

⁸ Baharo ti tuhsʉchʉ ñʉ, tinare ti so dujiroihta chʉa dapoha. Wachʉcoro pechõre, tuhsʉ, pechõ mehne chʉa ti yoaare, ã jichʉ dihi cʉ̃hʉre na ta, tinare dapoha. Dapo tuhsʉ, ti chʉro wato, tinare tóihta yucʉcʉ docai cohta ducuha.

Génesis 18:8 Iomraidhean Croise

Génesis 18:7

à yoa mʉroca yʉhdʉ wahcã, wachʉa ducuropʉ sʉ, cʉ̃iro wachʉ wihãrirore paina bui noarirore bese, soaro mehne tirore wajã duti, to sʉho chʉhti cjihtire yoa dutiro, to cahamacʉnore waha.

Génesis 18:9

Chʉ tuhsʉ, tina tirore ñʉ tinia tarina sehe õ sehe ni, sinitu ñʉha: —¿Nohoi jicari mʉ namo Sara? —niha. —Sohõi jica. Wahiquina cahsari mehne dahreri wʉhʉ puhichapʉ jica —ni yʉhtiha.

Génesis 19:3

Ti ã ni yʉhtipachʉta, tiro sehe tinare, “Jai” nieraha. Payʉ tahari tinare, “Ya wʉhʉpʉ carĩna taga” ni mʉjaha. Payʉ tahari to ã ni mʉjachʉ tʉhoa, tina sehe tirore yʉhtiha. “Jai” ni, tiro mehne to ya wʉhʉpʉ wahaha jʉna. Tinare to ya wʉhʉpʉ na sʉ tuhsʉ, to cahamacare noaa chʉare yoa dutiha tiro. Pão curiri cʉ̃hʉre, tíre bʉcʉachʉ yoaare moreno marieno yoa dutiha, “Yoari pja wahari” nino. Tina to wʉhʉi na sʉrina sehe chʉare ti tuhsʉri baharo, chʉha jʉna.