Génesis 18:5 - Wanano OT Portions

⁵ Ã yoa mahano chʉa waihtja mʉsare. Yʉ ã yoachʉ, noano yapiina ji, noano mehne wahanahca mʉsa. Noano yoanata yʉhʉre ñʉna tari jira mʉsa. Ã jii chʉa waihtja mʉsare —niha tiro tinare. —Noana. Cahmaja mʉ sãre ã yoachʉ —niha tina tiaro.

Génesis 18:5 Iomraidhean Croise

Génesis 18:6

Ti ã nichʉ tʉhoro, to ya wʉhʉpʉ cjero mʉroca sãa, to namono Sarare õ sehe niha: —¡Cjero! Trigo pohcare, noaa pohcare veinte kilo na, tinare pão yoabasaga —niha.

Génesis 19:8

Yʉ pohna numia, pʉaro numia jira. Tí numia ne cʉ̃iro mʉno mehne ji ñʉerasinina. Tina sehere mʉsare wa wioihtja. Tí numia mehne dohse mʉsa yoa duaro yoa masina. Wiho mejeta yʉ cahai wihiina mʉa sehere ne soro yoaena tjiga. Yʉhʉ jihi tinare ya wʉhʉi pji tariro. Ã jicʉ tinare ñʉ wihbo masija —niha tiro tinare.

Génesis 33:10

To ã nipachʉta, õ sehe niha Jacobo: —“Cahmaeraja” niecʉ tjiga. Pja ñʉno mehne mʉ yʉhʉre piti bocachʉ, wahcheja yʉhʉ. Cohamacʉ yʉ mʉhʉre ñano yoarire to boriro seheta mʉhʉ cʉ̃hʉ bori jira. Ã boriro jii, “Jai. Cahmaja” niga, ahrina wahiquina ño payoro mehne yʉhʉ mʉhʉre na tabasarinare. Cohamacʉ yʉhʉre noano wahachʉ yoa, pache pʉro wahachʉ yoahre. Ã jiro yʉhʉre ne yaba dʉhsaerara —niha. Jacobo ã nino, ne tjueraha. Pʉ Esaú “Jai” to nichʉpʉ, duhuha tiro.