Génesis 18:13 - Wanano OT Portions

¹³ Wiho mejeta Yawe sehe õ sehe niha: —Abrahã, ¿dohse yoaro Sara sehe to tʉhotuapʉre bʉjʉjari? ¿“Bʉcoro jija yʉhʉ” ni, “¿Potocãta yʉ nijinocã bocacohcari?” ni, tʉhoturo nijari?

Génesis 18:13 Iomraidhean Croise

Génesis 18:12

To ã nichʉ tʉhoro, to yajeripohnapʉ õ sehe ni tʉhotuha: “¿Mipʉbehta dohse yoa yʉ pohna ti duaro seheta wahabocari? Yʉ manʉ, yʉhʉ cʉ̃hʉ sã bʉcʉna jija” ni, bʉjʉ tʉhotuha.

Génesis 18:14

¿Yʉhʉre mijo yʉhdʉa, yʉ yoa masieraa baro jijari? Mipʉ tari cʉhmai, nueve sʉ̃ri baharo, pari turi mʉsare ñʉi taihtja tjoa. Tí pjai Sara cʉ̃iro nijinocã mʉnocãre pohna tirohca —ni yahu quihõha Abrahãre.

Génesis 21:6

à yoa Sara õ sehe niha: —Cohamacʉ yʉhʉre noaputiaro yoara. Tiro yʉhʉre wahchero mehne bʉjʉchʉ yoara. Tuhsʉ, jipihtina ahri quitire tʉhoina cʉ̃hʉ yʉ yoaro seheta wahchero mehne bʉjʉahca —niha.

Génesis 21:7

Baharo õ sehe ni namoha tjoa: —Jipihtina masa, “Ne Sara Abrahãre pohna tibasasi” ni, tʉhotumahre. Wiho mejeta bʉcʉro to jipachʉta, yʉhʉ sehe tirore cʉ̃irocã pohna tibasaja —ni, wahcheha.