Génesis 17:21 - Wanano OT Portions

²¹ Wiho mejeta tiro ya curua macariro cjihto jisi. Isaa sehe jirohca ya curua macariro cjihto. Pa cʉhmare ahri sʉ̃ baroihta tirocãre mʉ namo Sara pohna tirohca —ni yahuha Cohamacʉ Abrahãre.

Génesis 17:21 Iomraidhean Croise

Génesis 17:19

To ã nichʉ tʉhoro, Cohamacʉ sehe õ sehe ni yʉhtiha: —Jierara. Mʉ macʉ Ismaere ahri yʉ ã nia ne sãerara. Yʉ nino seheta mʉ namo Sara mʉnocãre pohna tirohca. Tirocãre “Isaa” ni, pisuga. Tiro sehe jirohca ya curua macariro cjihto. Ã jiro cua pisaro mehne yʉ mʉhʉre yahuri tiro Isaa cjihto cʉ̃hʉre sãna. Ã yoa to panamana ji turiahtina cʉ̃hʉ boro marieno ã cjʉa turia wahcãahca yʉ ã niare.

Génesis 18:10

To ã ni yʉhtiri baharo, cʉ̃iro tina mehne macariro Abrahãre õ sehe ni yahuha: —Mipʉ tari cʉhmai, nueve sʉ̃ri baharo, pari turi mʉsare ñʉi taihtja tjoa. Tí pjai mʉ namo Sara sehe cʉ̃iro mʉnocãre pohna tirohca —ni yahu quihõha Abrahãre. To ã nino wato, ticoro Sara sehe Abrahãre ã ni yahuriro baharo bʉhʉsehe sehe, ti wʉhʉ sãari sopacai ducuha. Jipihti ti ã ni durucuare tʉhorocaro niha ticoro.

Génesis 18:14

¿Yʉhʉre mijo yʉhdʉa, yʉ yoa masieraa baro jijari? Mipʉ tari cʉhmai, nueve sʉ̃ri baharo, pari turi mʉsare ñʉi taihtja tjoa. Tí pjai Sara cʉ̃iro nijinocã mʉnocãre pohna tirohca —ni yahu quihõha Abrahãre.

Génesis 21:1

Yawe Sarare noano wahachʉ yoaro taro, tó panopʉ “Mʉhʉ bʉcʉrocoro jipacohta cʉ̃iro wihãrirocã pohna ticohca” to ni yahurirore quihõno yoaha.

Génesis 46:1

à yoa Jacobo sehe jipihtina to namosanumia, to pohna, to panamana mehne ti yare cahno, Egipto yahpapʉ waharo niha. à waharucuro, Berseba wama tiri macai tjua caha sʉ, tói to pʉcʉro Isaa cjiro to ño payoriro Cohamacʉre ño payoro taro, wahiquinare wajã, jʉ̃ wa mʉo, ño payoha tiro.

Éxodo 2:24

Tíre tʉhoro, õ sehe ni wacũha: “Ahrina ti ñʉchʉsʉma cjiri Abrahã, Isaa, Jacobo cʉ̃hʉ cjiripʉre ‘Mʉsare, tuhsʉ, mʉsare ji turiainapʉ cʉ̃hʉre noano wahachʉ yoaihtja’ nia tihi yʉhʉ.

Éxodo 3:6

—Yʉhʉ jija Abrahã, Isaa, Jacobo mʉ ñʉchʉsʉma cjiri ti Cohamacʉ —niha. To ã nichʉta, Moise sehe, “Ahriro Cohamacʉre ñʉi, yariaa wahaboca yʉhʉ” ni, cuiro, muhri yo, to wʉhdʉare to wamomacari mehne dʉcataha.