Génesis 17:19 - Wanano OT Portions

¹⁹ To ã nichʉ tʉhoro, Cohamacʉ sehe õ sehe ni yʉhtiha: —Jierara. Mʉ macʉ Ismaere ahri yʉ ã nia ne sãerara. Yʉ nino seheta mʉ namo Sara mʉnocãre pohna tirohca. Tirocãre “Isaa” ni, pisuga. Tiro sehe jirohca ya curua macariro cjihto. Ã jiro cua pisaro mehne yʉ mʉhʉre yahuri tiro Isaa cjihto cʉ̃hʉre sãna. Ã yoa to panamana ji turiahtina cʉ̃hʉ boro marieno ã cjʉa turia wahcãahca yʉ ã niare.

Génesis 17:19 Iomraidhean Croise

Génesis 17:16

Ticorore noano wahachʉ yoa, ticoro mehneta cʉ̃irocã mʉ macʉ cjihtore mʉhʉre waihtja. Ahri potocã tjira. Ticorore noano wahachʉ yoaihtja. Ã jiro ticoro sehe payʉ masa curuari ñʉchono cjihto jirohca. Ticorore ji nʉnʉ tihtina, to panamanata cãina masa curuari pʉhtoa cjihti jiahca —ni yahu namoha Cohamacʉ Abrahãre.

Génesis 17:18

à ni tʉhoturo, Cohamacʉre õ sehe ni yʉhtiha: —Jira yʉ macʉ Ismae. Mʉ noano wahachʉ yoahtire tiro sehere mʉ yahuchʉ noaboca —ni yʉhtiha.

Génesis 17:21

Wiho mejeta tiro ya curua macariro cjihto jisi. Isaa sehe jirohca ya curua macariro cjihto. Pa cʉhmare ahri sʉ̃ baroihta tirocãre mʉ namo Sara pohna tirohca —ni yahuha Cohamacʉ Abrahãre.

Génesis 17:7

Ahri yʉ mʉhʉre ã nia mʉ panamana cjihti cʉ̃hʉ boro marieno ã ti cjʉa turia wahcãrucuhti jiahca. Ã jicʉ yʉhʉ sehe mʉ Cohamacʉ ã jirucuihtja. Tuhsʉ, mʉ panamana cjihti ti Cohamacʉ cʉ̃hʉ ã jirucuihtja.

Génesis 21:6

à yoa Sara õ sehe niha: —Cohamacʉ yʉhʉre noaputiaro yoara. Tiro yʉhʉre wahchero mehne bʉjʉchʉ yoara. Tuhsʉ, jipihtina ahri quitire tʉhoina cʉ̃hʉ yʉ yoaro seheta wahchero mehne bʉjʉahca —niha.

Génesis 9:16

à jicʉ tí sorore coro tjururi watoi to bajuachʉ ñʉi, yʉhʉ sehe wacũihtja. Yʉhʉ masare, ã jichʉ wahiquina cʉ̃hʉre yʉ michapucacã ã niare wacũihtja. Yʉhʉ tíre ne tʉhotu cohtotasi.