Génesis 17:16 - Wanano OT Portions

¹⁶ Ticorore noano wahachʉ yoa, ticoro mehneta cʉ̃irocã mʉ macʉ cjihtore mʉhʉre waihtja. Ahri potocã tjira. Ticorore noano wahachʉ yoaihtja. Ã jiro ticoro sehe payʉ masa curuari ñʉchono cjihto jirohca. Ticorore ji nʉnʉ tihtina, to panamanata cãina masa curuari pʉhtoa cjihti jiahca —ni yahu namoha Cohamacʉ Abrahãre.

Génesis 17:16 Iomraidhean Croise

Génesis 1:28

à yoa tiro tinare õ sehe niha: —Payʉ masa putiga. Ahri dihtare jipihtiropʉre ji sahserʉcʉ sʉga, mʉsa coyea ji turiaina mehne. à yoa mʉsare pʉhtoa cũi nija wahi, wʉina, yahpa macaina jipihtina bui. Mʉsa cahmano sehe yoaga tinare —niha. To ã ni payoa mehne tinare noano wahachʉ yoaha.

Génesis 12:2

Mʉhʉre õ sehe yoa, noano wahachʉ yoaihtja. Mʉ panamana, mʉhʉre ji nʉnʉ tihtina cjihti payʉ wahachʉ yoaihtja. Ã yoa mʉhʉre masa ti wacũnohoriro yoa, tuhsʉ, noano wahachʉ yoaihtja. Tí yʉ noano wahachʉ yoaa mehne mʉhʉ sehe painapʉre, payʉ masare noano waha turiachʉ yoahtiro cjihto jira mʉhʉ.

Génesis 15:4

To ã ni yʉhtichʉ tʉhoro, Yawe sehe õ sehe ni yʉhtiha: —Jierara. Mʉ yariari baharo, mʉ yare cjʉa nʉnʉ tihtiro ahriro mʉ niriro jisi. Mʉ macʉ warota jirohca, mʉ yare cjʉa nʉnʉ tihtiro —niha.

Génesis 17:15

à ni tuhsʉ, õ sehe ni yahu namoha: —Mʉ namo Sarai sehere mipʉre “Sarai” ni, wama pisu namoecʉ tjiga. Mipʉre Sara wama tirohca ticoro jʉna. (“Sara” ni pisuri wama, “pʉhtoro macono” niri wama jica hebreo masa ya dʉsero mehne)

Génesis 17:19

To ã nichʉ tʉhoro, Cohamacʉ sehe õ sehe ni yʉhtiha: —Jierara. Mʉ macʉ Ismaere ahri yʉ ã nia ne sãerara. Yʉ nino seheta mʉ namo Sara mʉnocãre pohna tirohca. Tirocãre “Isaa” ni, pisuga. Tiro sehe jirohca ya curua macariro cjihto. Ã jiro cua pisaro mehne yʉ mʉhʉre yahuri tiro Isaa cjihto cʉ̃hʉre sãna. Ã yoa to panamana ji turiahtina cʉ̃hʉ boro marieno ã cjʉa turia wahcãahca yʉ ã niare.

Génesis 17:6

à yoa mʉ panamana, mʉhʉre ji turiahtinare payʉ wahachʉ yoaihtja. Tinare payʉ masa curuari wahachʉ yoaihtja. Tinata cãina masa curuari pʉhtoa cjihti jiahca.

Génesis 21:1

Yawe Sarare noano wahachʉ yoaro taro, tó panopʉ “Mʉhʉ bʉcʉrocoro jipacohta cʉ̃iro wihãrirocã pohna ticohca” to ni yahurirore quihõno yoaha.

Génesis 24:60

To wahahto pano, to coyea sehe ticorore “Noano wahajaro” nia, õ sehe niha: —Mʉhʉ, sã coyeacoro, sã cahĩricoro payʉ pohna ti, payʉ panamana tiga. Ã yoa mʉhʉre ji nʉnʉ tihtina payʉ masa puti, tinare ñʉ tuhtiinare cahma wajã yʉhdʉrʉca, ti jia macarire ma, tí macaripʉ jijaro —niha tina.

Génesis 25:23

To ã sinitu ñʉchʉ tʉhoro, tiro sehe õ sehe ni yʉhtiha: —Mʉ pjaropʉre jiina, mʉ pohna, pʉa curua, masa curuari macaina ti ñʉchʉsʉma cjihti jira. Ti masa bajuari baharo, ti basi cahma ñʉ tuhti dʉcaahca tina. Tuhsʉ, baharopʉ cʉ̃hʉre mʉnanota cʉ̃iro ya curua, pairo ya curua mehne ñano ti basi cahma ñʉ tuhtirucuahca. Ã jihtina jia, dóihta mʉ pjaropʉre ti basi cahma tjurocayu tuhsʉa nina tina. Tina pʉaro ya curuari cjihti sehe cʉ̃ curua tuari curua, pa curua tuaerari curua jirohca. To bahʉro ya curua sehe tuari curua jirohca. Ã jiro to wahmino ya curua sehe to bahʉro ya curua docai jirohca —ni yʉhtiha Yawe ticorore.