Génesis 14:14 - Wanano OT Portions

¹⁴ Ã yoa Abrã sehe to bahʉro macʉnore ti ñaha wahcãri quitire tʉhoro, to bʉcʉo, to cahma wajã buherinare pji cahmachuha. Tina sehe tresciento dieciocho waro jia tiha. Tina mehne Lotere ñaha wahcãinare nʉnʉ ti wahcãha tiro, pʉ Dã wama tiri macapʉ.

Génesis 14:14 Iomraidhean Croise

Génesis 12:16

Ticorore cjʉaro, Abrãre noano yoaa tiha faraõ. Ã noano yoaro, tirore ovejaare, cabraare, wachʉare, burroare, ã jichʉ camelloare waha to nuhtina cjihti. Tinare wa tuhsʉ, to cahamaca cjihti mʉare, ã jichʉ numia cʉ̃hʉre waha.

Génesis 12:5

Tiro waharo, to namono Saraire, to bahʉro macʉno Lotere, ti cjʉaa jipihtiare, ã jichʉ ti cahamaca cʉ̃hʉ, jipihtinare Harãi jia, ti bocarina cʉ̃hʉre naa pahñoha. Waha, Canaã yahpapʉ sʉha jʉna.

Génesis 13:8

à jiro cʉ̃ nʉmʉ Abrã sehe Lotere õ sehe niha: —Mari basi jina nija mari. Mari basi waro jipanahta, mari ã ñano jia tichʉ, noaerara.

Génesis 14:12

Tí pjapʉre Lote, Abrã bahʉro macʉno sehe Sodomapʉ jia tiha. Ã jia tiro cʉ̃hʉre ñaha, to ya jipihtiro mehne tirore naa wahaa tiha tina.

Génesis 14:16

Tó sehe yoa, to bahʉro macʉno Lotere to ya jipihtiro mehne yʉhdʉ witichʉ yoaha Abrã. Tuhsʉ, numiare, mʉare tiro mehne ñahañorina cʉ̃hʉre yʉhdʉ witichʉ yoaha. Tuhsʉ, jipihtia pache ti yaca wahcãmari cʉ̃hʉre tjua na pahñonocaha.

Génesis 17:12

Yʉ nino seheta mʉsa mipʉ macaina yoa dʉcaga. Ã yoa mʉhʉre ji turiahtina cʉ̃hʉ ti yoahto jira. Mʉsa pohna wahma masa bajuaina, ocho dachori ti cjʉachʉ, ti cuhnu cũa sohtoa macari cahsarocãre yihso naga. Ã yoa mʉsa cahamacare, mʉsa cahamaca pohnare, ã jichʉ pa sehe macainare mʉsa nuchʉrina cʉ̃hʉre ãta yoaga. Mʉsa jipihtina mʉsa pjacʉrire ã yoaina dihta jiga. Mʉsa ã yoaro sehe õ sehe ni mʉsa wacũhto jirohca: “Cohamacʉ sãre ‘Yʉ yaina jira mʉsa’ ni tuhsʉhre. To ã nirire tiro ne cohtotasi” ni, mʉsa wacũhto jirohca.

Génesis 17:23

To wahari baharo, tí dachoihta Abrahã sehe to dutiro seheta yoa dʉcaha. To macʉno Ismae cuhnu cũnʉ sohtoa macari cahsarocãre yihso naha. Ã yoa paina tiro mehne macainare, ã jichʉ jipihtina to cahamacare, to cahamaca pohnare, ã jichʉ pa sehe macainare to nuchʉrina cʉ̃hʉre yihso naha.

Génesis 17:27

à yoa paina tiro mehne macainare, ã jichʉ jipihtina to cahamacare, to cahamaca pohnare, ã jichʉ pa sehe macainare to nuchʉrina cʉ̃hʉre tí dachoihta yihso naha.

Génesis 18:19

Ahriro Abrahã yʉ beseriropʉ jira. Ã jiro ahriro to pohnare, ã jichʉ tirore ji nʉnʉ tihtina cʉ̃hʉre, yʉ yoa dutiare yʉhti, ‘Potocã jira’ ni, tinare dutihtiro cjihto jira. Ã jia tina sehe yʉ yoa dutiare potocã tʉho, poto jiare quihõno yoaina ti jichʉ ñʉi, yʉhʉ sehe jipihti Abrahãre yʉ nirire yʉ nino seheta yoaihtja” ni, tʉhotuha.

Deuteronomio 34:1

à yoa tiro Moise sehe to masa curua mehne Moabe wama tiri yahpai jisinia tiha. Tí yahpa, Moabe yahpa, cʉ̃ bʉhʉsehe sehe tʉ̃ yucʉri marieni yahpa jiha. Pa bʉhʉsehe sehe tʉ̃ yucʉri payʉri yahpa jiha. à yoa tí yahpa, tʉ̃ yucʉri payʉri yahpa sehe Nebo wama tiri yahpa jiha. Tí yahpai cʉ̃dʉ tʉ̃cʉ Pisiga wama tidʉ jiha. Tʉ sehe Canaã yahpai jiri maca, Jericó wama tiri maca cahacã curei ducudʉ jiha, Jordão ma pa bʉhʉsehe cjoa sehe. à yoa Moise sehe, tʉ̃ yucʉri marieni yahpapʉ jimariro yʉhdʉ wahcã, Yawe to yahu quihõriro seheta tʉ̃ yucʉri payʉri yahpapʉ sʉha jʉna. Tí yahpapʉ sʉro, tʉ tʉ̃cʉ Pisiga wama tidʉ sohtoapʉ mʉjaa wahaha. Tʉ sohtoapʉ to mʉja sʉchʉ, Yawe sehe tirore Canaã yahpare ñono taro niha jʉna. To ñono tachʉ, Moise sehe sʉ̃ sãano poto sehe ducu, ñʉ siteroca ducuro niha. Tói to ñʉ siteroca ducuchʉ, Yawe sehe tirore to ñʉ siterocarucuro caha sehe jia yahparire ño dʉcaha. Wahmanore Neftali ya curua macaina ya yahpa cjihtore ño dʉcaha tirore. Tí yahpare ño tuhsʉ, õpe curuari macaina ya yahpari cjihtire ño namoha tjoa. Manasé ya curua macaina ya yahpa cjihtore, Efraĩ ya curua macaina ya yahpa cjihtore, Judá ya curua macaina ya yahpa cjihtore ño namoha tirore. Pʉ pjiri ma Mediterráneo wama tiri ma dʉhtʉ cahapʉ ñoroca batoha tirore. Baharo pari taño sehe macaa yahparire tirore ño namoha tjoa. Wahmanore poto bʉhʉsehe sehe macaa yahparire ñoha tirore. Galaa wama tiri yahpare ño dʉca, pʉ Dã ya curua macaina ti ya yahpa cjihtopʉ ñoroca batoha tirore. Te sehe macaa yahparire ño tuhsʉ, cõ bʉhʉsehe sehe macaa yahpari cʉ̃hʉre tirore ño namoha tjoa. Te sehe pahrẽ sehere jiha cʉ̃ dʉjʉro, wʉari dʉjʉro, Néguebe wama tiri dʉjʉro. Tí dʉjʉropʉ Moisere ñoroca batoha Yawe. à yoa tʉ̃cʉ, to ñʉ siteroca boro ducudʉ dahpoto sʉ̃ sãano caha sehere Jordão ma coã bʉrʉaha. Tí ma pa bʉhʉsehe cjoa sehere Jericó wama tiri maca coãa tiha. Tí macare payʉ põ, dátil wama tia põ jia tiha. à yoa Yawe sehe tí macare ñonota, Jordão ma dʉhtʉ cahai jia yahpari cʉ̃hʉre ñoroca bʉro namoha tirore. Pʉ Soá wama tiri macapʉ ñoroca batoha.