Génesis 12:8 - Wanano OT Portions

⁸ Baharo tʉ̃ yucʉri payʉropʉ waha namoha tjoa. Wahaa, Betel wama tiri macare yʉhdʉa, sʉ̃ mʉja taro sehe waha, tópʉ ti wʉhʉserire tʉã dapo, jisiniha tjoa. Tói ti jichʉ, Betel sehe sʉ̃ sãano caha sehe tjuaha. Ã yoa pa maca Ai sehe sʉ̃ mʉja taro caha sehe tjuaha. Tó cʉ̃hʉre paro tãa mehne dahre mʉori tuhu yoa, Yawere ño payoha Abrã.

Génesis 12:8 Iomraidhean Croise

Génesis 13:18

à yoa Abrã tói jimariro to jiri wʉhʉ, wahiquina cahsari wʉhʉre wawe na, wahaa wahaha tjoa. Waha, Maré wama tiriro ya nʉcʉcã, encina yucʉri jiri nʉcʉcãpʉ sʉ, tói jia tiha. Tí nʉcʉcã sehe Hebrõ wama tiri maca cahai jia tiha. Tói jiro, tãa mehne dahre mʉori tuhu yoa, Yawere ño payoa tiha.

Génesis 13:3

à yoa tiro Néguebepʉ sʉ, waha namoha tjoa. Soero ji wahcãa, te Betel wama tiri macare sʉ, yʉhdʉ wahcã, Ai wama tiri maca cahai wahma to ji mʉhtamariropʉta pari turi sʉha.

Génesis 13:4

Tói sʉro, tó panopʉ tãa mehne to dahre mʉori tuhu cjiroi Yawere ño payoa tiha.

Génesis 22:9

à yoa tina, Cohamacʉ to yahu quihõdʉ sohtoapʉ mʉja sʉha jʉna. Mʉja sʉri baharo, Abrahã tãa mehne pari tuhu dahre mʉoha. Dahre mʉo tuhsʉ, to pichare cahno payoha. Cahno payo tuhsʉ, to macʉno Isaare dʉhteha. Tuhsʉ, tirore na mʉo, to tãa mehne dahre mʉori tuhu bui, picha to cahno payori tuhu buipʉ payoha to macʉnore.

Génesis 28:19

à yoa to carĩni cuhtu cahai cʉ̃ maca, Lus wama tiri maca jia tiha. Tí pjai Jacobo sehe tí maca wamare cohtotaha. à cohtotaro, “Betel” ni, wamoaha. (“Betel” niri wama, “Cohamacʉ ya wʉhʉ” niri wama jica hebreo masa ya dʉsero mehne)

Génesis 33:20

à yoa tí dʉhteroi cʉ̃ tuhu tãa mehne dahre mʉori tuhu yoaha Jacobo. Tí tuhure “El Elohe Israe” ni, wamoaha. (“El Elohe Israe” nino “Cohamacʉ potocãta yʉhʉ Israe yʉ Cohamacʉta jira” nino nica hebreo masa ya dʉsero mehne)

Génesis 4:26

à yoa tiro Sete cʉ̃hʉ cʉ̃iro pohna tiha. Tirocãre “Enoso” ni, wama pisuha. à yoa tiro Sete to jiri pja macaina sehe Cohamacʉre ño payoa, Yawe niri wama mehne ño payo dʉcaa tiha.

Génesis 8:20

à yoa wija ta pihtiri baharo jʉna, tiro Noé sehe tãa mehne pari tuhu dahre mʉoha. Dahre mʉo tuhsʉ, Noé cãina wahiquina, ã jichʉ wʉina cʉ̃hʉre masa Yawere ño payoa taa, ti wajãsoinapere beseha. To beserinare wajã, tãa tuhu, to cahnori tuhu buipʉ jʉ̃ wa mʉoha. Tó sehe yoa, Yawere ño payoha.

Éxodo 17:15

To ã niri baharo, Moise sehe, Cohamacʉre wahche payoro taro, tãa poca mehne cʉ̃ tuhu dahre mʉoha. Dahre mʉo tuhsʉ, tí tuhure õ sehe ni wamoaha: “Yawe jira yʉhʉre cahma wajã yʉhdʉrʉcachʉ yoariro” ni, wamoaha tí tuhure.