Éxodo 9:7 - Wanano OT Portions

⁷ Ã yoa tiro faraõ sehe to ya yahpa macaina ti nuina wahiquina payʉ yariachʉ ñʉno, to masare israe masa ti nuinare ñʉ dutiro warocaha, “¿Potocãta ti nuina yariaerajari?” nino. Baharo tina ñʉa sʉrina sehe õ sehe ni yahu tju sʉha: —Cohamacʉ potocã nino niri jire. Israe masa nuina wahiquina sehe ne cʉ̃iro yariaerari jihre —ni yahu tju sʉha tina. Ti ã ni yahu tju sʉchʉ tʉhoparota, tuaro yʉhdʉrʉcariro jisiniha faraõ. Ã jiro israe masare wa wio duaeraha tjoa.

Éxodo 9:7 Iomraidhean Croise

Éxodo 3:19

Wiho mejeta yʉhʉ sehe masija yʉhdʉrʉcariro to jia tiare. Ã yʉhdʉrʉcariro jiro, tiro mʉsare, mʉsa ã ni sinipachʉta, wa wiosi. Ã jicʉ yʉhʉ sehe yʉ tuaa tiare masa ti yoaa bihoeraare egipto masare yoa ñoihtja. Tí mehne tinare ñano yʉhdʉchʉ yoa, tuaro buhiri dahreihtja. Yʉ ã tuaro buhiri dahreri baharo, mʉsare Egipto yahpai jiinare cohãroca wiorohca tiro jʉna.

Éxodo 7:13

Ti ã yoa ñopachʉta, faraõ sehe Moise cʉ̃hʉre ne tʉho duaeraha. Yawe to niriro seheta ã yʉhdʉrʉcariro waharo niha tiro.

Éxodo 7:14

à yoa Yawe sehe Moisere õ sehe niha tjoa: —Yʉ mʉhʉre niriro cjiro seheta faraõ sehe mʉhʉre yʉhti duaerara. à yʉhti duaeraro, tiro israe masare ahri yahpai jiinare wa wio duaerara.

Éxodo 8:32

à mariachʉ ñʉparota, faraõ sehe mʉnanota yʉhdʉrʉcariro ji, ne israe masare wa wio duaeraha tjoa.

Éxodo 9:12

Ti ã wahapachʉta, Yawe sehe mʉnanota faraõre yʉhdʉrʉcariro jisinichʉ yoaha. Ã jiro Moise cʉ̃hʉ faraõre ti sinichʉ, tiro sehe tinare yʉhti duaeraha. Yawe to niyuriro seheta ã waharo niha.

Éxodo 9:8

à yoa faraõ to wa wio duaerachʉ ñʉno, Yawe sehe Moise cʉ̃hʉre õ sehe niha tjoa: —Dihta cjoarire ti jʉ̃ri picha nujare mʉsape orẽ na, faraõ cahapʉ wahaga. To cahapʉ sʉ, Moise, mʉhʉ sehe faraõ to ñʉrocaroi tí nujare doca site mʉoga.