Éxodo 9:26 - Wanano OT Portions

²⁶ Ã ñano wahapachʉta, Gosẽ wama tiri si, israe masa ti jiri si sehere ne tí poca baro boraeraha.

Éxodo 9:26 Iomraidhean Croise

Éxodo 10:23

à tuaro nahitiano jichʉ, Egipto yahpa macaina sehe ti basi cahma ñʉ bocaera tiha. Tuhsʉ, ne pa sehepʉ tini macaa wahaera tiha. Wiho mejeta israe masa ti jiri si sehere noano buhriaro jinocaa tiha.

Éxodo 11:7

‘Ã yoa mʉ masare ã ñano waharo wato, israe masa ti jiri sipʉ sehere, ne tó sehe ñano wahaerahto jiyuhti tinare. Ã jia tina ti nuina wahiquina mehne noano jinocahti jiyuhti. To ã yoachʉ ñʉ, tiro Yawe dohse cãa curuari macainare to yoaare masihtina jiyuhca mʉsa. Ã ni, Yawe yʉhʉre yahu dutihre mʉhʉre.

Éxodo 12:13

‘Ã yoa mʉ coyea israe masa sehe, wahiquina ti wajãina di mehne ti wʉhʉseri sãa sopacari dʉhtʉ caha macaa pjĩnipʉ wisõ, quihõ cũjaro. Wiho mejeta yʉhʉ ti pohna sehere ne cʉ̃irore wajãsi, yʉhʉ egipto masa pohnare yʉ wajãno wato. Ti wʉhʉse sãa sopacari dʉhtʉ caha macaa pjĩnine di mehne ti wisõa wʉhʉserire ñʉi, poto tinare wajã dʉha wahcãihtja.

Éxodo 8:19

à bajuamehne masieraa, ti pʉhtorore õ sehe nimaha tina: —Wihmiina perire bajua mʉachʉ yoariro potocãta Cohamacʉta jira —nimaha. Ti ã nichʉ tʉhoparota, faraõ sehe mʉnanota yʉhdʉrʉcariro jisiniha. Yawe to niyuriro cjiro seheta waharo niha. à jiro Moise cʉ̃hʉ ti siniare yʉhti duaeraha tiro.

Éxodo 9:4

Wiho mejeta israe masa ti nuina wahiquina sehere ne cʉ̃iro soro wahachʉ yoasi. Ã jia ti nuina sehe tí dohatia mehne yariasi.

Éxodo 9:6

à yoa to wa wioerachʉ ñʉno, Yawe sehe pa nʉmʉ bohrearoi to niriro seheta yoaha jʉna. Egipto yahpa macaina ti nuina wahiquinare payʉ yariachʉ yoaha. à yariachʉ yoaparota, israe masa ti nuina wahiquina sehere ne cʉ̃iro yariachʉ yoaeraha.