Éxodo 8:21 - Wanano OT Portions

²¹ Tinare to wa wio duaerachʉna, tirore, to doca macaina pʉhtoare, ã jichʉ to masa curuare nunana perire waroca, tinare buhiri dahreihtja. Yʉ ã warocachʉ, tina nunana peri ti wʉhʉserire ji sahsea wahaahca. Ã yoa yahpa cʉ̃hʉre paró bʉa sahserʉcʉ sʉa wahaahca.

Éxodo 8:21 Iomraidhean Croise

Éxodo 10:6

Mʉ ya wʉhʉsepʉ cʉ̃hʉre sãahti jiyuhti. Mʉ doca macaina pʉhtoa ã yoa mʉ masa ya wʉhʉsepʉ cʉ̃hʉre paró ji biharʉcʉ sʉa wahahti jiyuhti. “Ti ñʉchʉsʉma cjiri, ã jichʉ ti pʉcʉsʉma tó sehe ñano wahachʉ ti ñʉeraa cjirire tina sehe ñʉahca” ni, yahurocahre Yawe mʉhʉre —niha Moise faraõre. Ã ni tuhsʉ, faraõ cahapʉ jiriro majarerʉcʉ sʉ, wijaa wahaha Moise.

Éxodo 8:20

à yoa faraõ to yʉhti duaerachʉ ñʉno, Yawe sehe Moisere õ sehe ni yahuha tjoa: —Faraõ bohrea caharocã pitamahapʉ buharohca. To buhachʉ ñʉ, mʉhʉ cʉ̃hʉ to cahapʉ buhaga. To cahapʉ buhu sʉ, yʉhʉre õ sehe ni yahubasaga tirore: “Yʉ ya curuare wa wiojaro, yʉhʉre ti ño payoa wahahto sehe.

Éxodo 8:22

Tinare ã waharo watoi yʉ ya curua ti jiri si, Gosẽ wama tiri si sehere soro cũihtja. Tó sehere ne cʉ̃iro nunanairo marienohca. Ã wahachʉ ñʉnopʉ, ‘Potocãta Yawe jira yʉ ya yahpare ã wahachʉ yoariro’ ni, masinohca tiro yʉhʉre.

Éxodo 8:24

Pa dacho “Ã waharohca” ni, to yahu dutiriro seheta yoaha Yawe. Payʉ nunana perire Egipto yahpa jipihtiropʉre waroca, tí yahpare ji sahserʉcʉ sʉa wahachʉ yoaha. To ã yoachʉ, tina peri sehe faraõ ya wʉhʉpʉ, tuhsʉ, to doca macaina pʉhtoa ya wʉhʉsepʉ cʉ̃hʉre sãaha. Tuhsʉ, tí yahpa macaina jipihtinare ñano yʉhdʉchʉ yoaa tiha tina.