Éxodo 8:11 - Wanano OT Portions

¹¹ Ã jia mʉa peri cjiri sehe ne mʉhʉre, ne mʉ doca macaina pʉhtoare, ne mʉ masa cʉ̃hʉre caribo namosi. Mʉsa wʉhʉsepʉ jiina yaria pihtia wahaahca. Ti yaria pihtiri baharo, paina dʉhsaina mʉa ti jimariro cjiro seheta diapʉ dihta jiahca —ni yʉhtiha.

Éxodo 8:11 Iomraidhean Croise

Éxodo 4:21

à yoa Egiptopʉ to waharucuro watoi õ sehe ni namoha Yawe Moisere: —Payʉ cuaa chorire yoa ño duticʉ, mʉhʉre yʉ tuaare wahi yʉhʉ. à jicʉ Egipto yahpapʉ sʉi, tó macariro faraõ to ñʉrocaroi jipihtia yʉ mʉhʉre yoa ño dutiare tirore yoa ñoga. Tí jipihtiare tirore mʉ yoa ñopachʉta, tiro sehe mʉhʉre yʉhti duasi. Yʉhʉta jiihca tirore ã yʉhdʉrʉcariro wahachʉ yoariro. Yʉ ã yoachʉ, tiro mʉ coyea israe masa curuare wa wio duasi.

Éxodo 7:13

Ti ã yoa ñopachʉta, faraõ sehe Moise cʉ̃hʉre ne tʉho duaeraha. Yawe to niriro seheta ã yʉhdʉrʉcariro waharo niha tiro.

Éxodo 7:14

à yoa Yawe sehe Moisere õ sehe niha tjoa: —Yʉ mʉhʉre niriro cjiro seheta faraõ sehe mʉhʉre yʉhti duaerara. à yʉhti duaeraro, tiro israe masare ahri yahpai jiinare wa wio duaerara.

Éxodo 8:12

Baharo pʉhtoro cahapʉ jimarina Moise cʉ̃hʉ sehe wijaa wahaha jʉna. Ã yoa Moise sehe faraõ to siniriro seheta pa dacho bohrearoi tinare sini payoha.

Éxodo 8:13

To sini payochʉ tʉhoro, Yawe sehe to sinino seheta wahachʉ yoaha. Ã yoaro, tina mʉa perire masa wʉhʉsepʉ jiinare, ti wʉhʉse dʉhtʉ cahai jiinare, ã jichʉ jipihtina tí yahpa macaa macari dʉhtʉ cahai jiina cʉ̃hʉre noano yaria pihtia wahachʉ yoaha.

Éxodo 8:3

Nilo ma, dia pjiri mare mʉa peri ji sahsea wahaahca. Ji sahsea waha, pu maja taahca jʉna. Pu maja taa, to ya wʉhʉpʉ sãahca. Sãahca to carĩni tahtiapʉ, to carĩ coãno buipʉ, to doca macaina pʉhtoa ya wʉhʉsepʉ, ã jichʉ jipihtina egipto masa ya wʉhʉsepʉ cʉ̃hʉre sãahca. Ã jichʉ pão yoaa taa, ti tju morea wahwaripʉ, ti pão pʉhõa coparipʉ cʉ̃hʉre pu site sãahca.

Éxodo 8:9

To ã nichʉ tʉhoro, tirore õ sehe ni yʉhtiha Moise: —Jai. Mʉhʉre, mʉ doca macaina pʉhtoare ã jichʉ mʉ masa jipihtina cʉ̃hʉre sini payobasaihtja. Yʉ sini payori baharo, tina mʉa peri mʉsa wʉhʉsepʉ jiina yaria pihtia wahaahca. Ti yaria pihtiri baharo, dʉhsaina diapʉ dihta jiahca jʉna —ni yʉhtiha Moise faraõre. Ni yʉhti tuhsʉ, õ sehe ni sinitu ñʉha: —¿Dohse jichʉ waro yʉ mʉsare sini payobasachʉ cahmajari mʉhʉ? ni sinitu ñʉha.