Éxodo 7:19 - Wanano OT Portions

¹⁹ Ã yoa Yawe õ sehe ni yahu namoha Moisere: —Mʉ wahmi Aarõ to tjuadʉre naroca mʉo, tʉ mehne mári bui, toaa watoi ti saha wahsari co wahaa wahsari bui, pja tarori bui, ã yoa jipihtiro nohoi co jia bui ñui purocajaro. To ñui purocachʉta, tí sehe di co dojo pihtia wahaahca. Te yucʉri mehne, tãa mehne ti yoaa situ puripʉ posa tia co cʉ̃hʉ di co dihta dojo pihtia wahaahca —ni yahu namoha Moisere.

Éxodo 7:19 Iomraidhean Croise

Génesis 1:10

à yoaro, tiro wʉari yahpa to bajuachʉ yoarore “dihta” wamoaha. à yoa tí witi borarʉcʉ sʉa core tiro “pjiri ma” wamoaha. Noaa ti jichʉ ñʉno, tiro ji coaha.

Éxodo 10:12

Tinare tuaro mehne to waroca wiori baharo, Yawe sehe Moisere õ sehe niha tjoa: —Mʉ yachʉre Egipto yahpa bui ñui purocaga. Mʉ ã ñui purocachʉ, poreroa peri payʉ taahca. Ta, dohse jia pũri tiare, co bʉtiapoca chori ti bora pja, ti wajã dʉhaa yucʉri pũricã cjirire chʉ pahñonocaahca —ni yahuha Yawe Moisere.

Éxodo 10:21

à yoa israe masare faraõ to wa wio duaerachʉ ñʉno, Yawe sehe Moisere õ sehe niha tjoa: —Mʉ yachʉre mʉanopʉ naroca mʉoga. Mʉ ã yoachʉta, Egipto yahpa jipihtiropʉre tuaro nahitiano waharohca —niha.

Éxodo 14:16

Mʉ tjuadʉre na mʉo, cjã yoroca pohõga Sohãri ma bui. Mʉ ã yoachʉ, tí co dacho maca mehne suru pahã waha, pari maha, co marieni maha, wʉari maha tjua caha sʉrohca, mʉ masa tí mahapʉ ti pahãhto sehe.

Éxodo 14:21

Tinare ti mʉ sʉ masieraro wato, Moise sehe to tjuadʉre na mʉo, cjã yoroca pohõha Sohãri ma bui Yawe to dutiriro seheta. To ã yoachʉ, Yawe sehe sʉ̃ mʉja taro sehe ñami puro wihnono tuaro wã turucuchʉ yoaha. To ã wã turucuchʉ yoaro mehne, tí ma, pjiri ma macaa co sehe suru sʉrʉcʉ sʉa waha, tí ma caha sʉro cʉ̃hʉre wʉa sã caha sʉchʉ yoaha.

Éxodo 14:26

Wiho mejeta Yawe sehe Moisere õ sehe yoa dutiha: —Pari turi mʉ tjuadʉre na mʉo, cjã yoroca pohõga Sohãri ma bui. Mʉ ã yoachʉ, tina egipto masa surarare, ti cahma wajãa bʉsore, ã jichʉ paina cawaloa buipʉ cahma wajãinare, tí co wʉrʉ to jimariropʉ tjuarʉcʉ sʉ, cjã piti boca, tinare mionohca —ni yahuha.

Éxodo 4:9

Tí pʉaro mehne ti tʉho duaeraputiachʉ ñʉi, Nilo ma macaa core waa na, yahpapʉ pio site cũga. Mʉ ã yoachʉ, tí co sehe di dojoahca —niha.

Éxodo 8:16

à yoa faraõ to yʉhti duaerachʉ ñʉno, Yawe sehe Moisere õ sehe ni namoha tjoa: —Mʉ wahmi Aarõ to tjuadʉre naroca mʉo, yahpai cjã cũjaro. To ã cjã cũchʉta, jipihtiro Egipto yahpapʉre dihta pohcari sehe payʉ wihmiina peri dojo mʉa wahaahca —niha Yawe Moisere.

Éxodo 9:33

Baharo Moise sehe faraõ ya wʉhʉpʉ tiro mehne durucuro sʉriro cjiro wijaa wahaha. Wijaa, tí maca faraõ to jiri maca dʉhtʉ cahai sʉrota, to wamomacarine mʉanopʉ naroca mʉo, Yawere siniha. To sinichʉta, wacũenoca co bʉtiapoca tuaro borarucumariro cjiro bora duhu mʉa wahaha. Tuhsʉ, coro, wʉpo mehne tamariro cʉ̃hʉ ta duhu mʉa wahaha.