Éxodo 5:7 - Wanano OT Portions

^7-9 —Israe masa marine dahra cohtaina capa bʉjʉina jira. Ã capa bʉjʉata, tina marine duhti wahcã duaa nina. Ã duhti wahcã dua, tina marine õ sehe ni mahñona: “Sã Cohamacʉre ño payona tana, sã wahiquinare wajã, jʉ̃ wa mʉo, tirore ño payona waha duana nija sã. Sãre wa wioga” ni, mahñona tina marine. Ti ã ni mahño wijaa duari buhiri mʉsa sehe tinare tó pano ti dahramariro bui tuaro dahra dutiga. Ã tuaro dahra dutina, õ sehe yoa dutiga tinare. Tó pano dihta sohãa cjoarire ti yoa mʉjachʉ, mʉsa sehe tinare tí dihta sohãa mehne ti tju morehti cjihti tjare wa mʉjaa timare. Mipʉ sehere waena tjiga jʉna. Mʉsa waerachʉ, tina sehe dachoripe ti mʉ sʉro tjare maca, tíre dihta sohãa mehne more, dihta sohãa cjoari yoa mʉjajaro jʉna. Mʉsa ã yoa dutichʉ, tó pano ti dahramariro cjiro bui tuaro dahraahca tina. Ti ã tuaro dahra mʉjapachʉta, mʉsa sehe tinare tó pano ti yoaa cjoari cjiripeta mipʉ cʉ̃hʉre yoa duti mʉjaga. Ne cʉ̃ cjoa dʉhsaro marieno tinare yoa duti mʉjaga. Tuhsʉ, tinare ne soro marieno dahra dutiga. Mʉsa ã yoachʉ, tina sehe Moise, Aarõ cʉ̃hʉ ti mahño yahuchʉ, ti tʉhobori pja cjʉasi —niha faraõ tinare.

Éxodo 5:7 Iomraidhean Croise

Génesis 11:3

Tí yahpai jia, ti basi õ sehe niha: —Dihta cjoarire yoa, baharo pichacapʉ jʉ̃jihna ti bʉtihto sehe —niha. Ã yoa tina wʉhʉse dahre mʉoa taa, dói jia comape mehne doho mʉjaha.

Génesis 24:25

—Ãja. Jica mʉsa carĩhto. Tuhsʉ, mʉ camelloa ti carĩhto, ã jichʉ ti chʉhti cʉ̃hʉ jica —ni yʉhtiha ticoro.

Éxodo 5:6

à yoa tí dachoihta faraõ sehe ti pʉhtoare, tinare tuaro mehne dahra dutiinare pji cahmachuha. Tuhsʉ, israe masa coyea, tinare sʉho dahra mʉhtaina cʉ̃hʉre pji cahmachuha. Pji cahmachu, tinare õ sehe niha: