Éxodo 4:15 - Wanano OT Portions

^15-16 To ã piti bocari baharo, mʉsa pʉaro Egipto yahpapʉ wahaga. Tópʉ sʉna, õ sehe yoanahca mʉsa. Mʉhʉ sehe yʉ mʉhʉre yahuriro cjiro seheta quihõno mʉ wahmipʉre yahu yʉhdoga. Tiropʉ mʉsa coyeare mʉhʉre yahu turiabasarohca jʉna. Ã yoai, mʉhʉ sehe to cohamacʉ choro mʉ jiboro seheta jii niihca. Ã jicʉ jipihtia to nihtire tirore quihõno yahu yʉhdoga. Ã yoa tiro cʉ̃hʉ mʉ ya cohamacʉ choro yare to yahu mʉhtaboro seheta quihõno tinare yahu turiarohca. Ã yoa yʉhʉ cʉ̃hʉ yʉ niriro seheta mʉsa noano durucuhtire mʉsare yoadohoihtja. Tuhsʉ, paye mʉsa yoahti cʉ̃hʉre mʉsare tópʉ yahu namoihtja.

Éxodo 4:15 Iomraidhean Croise

Éxodo 3:12

To ã nichʉ tʉhoro, Cohamacʉ sehe tirore õ sehe niha: —Cuii tjiga. Yʉhʉ cʉ̃hʉ mʉhʉ mehneta jiihca tópʉre. Tuhsʉ, yʉ masa curua, Egipto yahpapʉ jiinare mʉ na wiori baharo, õpʉta tina mehne wihiihca mʉhʉ. Ã wihicʉ, ahdʉ tʉ̃cʉpʉta tinare yʉhʉre sʉho ño payoihca mʉhʉ. Ã ño payoipʉ, mʉhʉ sehe “Potocãta Cohamacʉta jiri jira yʉhʉre tinare na wio duti warocariro” ni, yʉhʉre masiihca mʉhʉ jʉna —niha Cohamacʉ Moisere.

Éxodo 4:12

à jicʉ cuiro marieno wahaga. Mʉ wahachʉ, yʉhʉta mʉhʉre mʉ noano durucuhtire yoadohoihtja. Tuhsʉ, mʉ nihti cʉ̃hʉre mʉhʉre yahuihtja —niha Yawe tirore.

Éxodo 4:28

To ã yoari baharo, Moise sehe jipihtia Yawe to nirire Aarõre yahu turiaha jʉna. Ã yoa to basi to yoa ñohti cʉ̃hʉre tirore yahuha.

Éxodo 4:30

Pji cahmachu, jipihtia Yawe Moisere to nirire Aarõ sehe tinare yahuha jʉna. To yahu tuhsʉchʉ ñʉ, Moise cʉ̃hʉ Cohamacʉ to yoa ño dutiro seheta israe masare yoa ñoha.

Deuteronomio 18:18

à jiro tiro michapucacã yʉ nino seheta cʉ̃iro mari ya curua macarirore bese, to yare mʉsare yahu mʉhtahtiro cjihto cũhto jiyuhca tiro. à yoa tiro to besehtiro cʉ̃hʉ yʉ yoaro sehe jia tihtirota jihto jiyuhca tiro cʉ̃hʉ. Yawe sehe mʉsare to yahu duaare tiro sehere yahu mʉjahto jiyuhca. To ã yahu mʉjachʉ, tiropʉ mʉsa sehere yahu turia mʉjahto jiyuhca.

1 Samue 16:3

à ni tuhsʉ, õ sehe ni namoha: —Mʉ wachʉcorore wajã, jʉ̃ wa mʉoi tai, Jesére to pohna cʉ̃hʉre pjiga, mʉhʉ mehne yʉhʉre ti ño payohto sehe. à yoa yʉhʉ sehe cʉ̃iro to macʉnore mʉhʉre ñoihtja mʉ pʉhtoro sõhtiro cjihtore. Yʉ ã ñochʉ, mʉhʉ sehe tirore to dapu bui olivo sere pio payo, pʉhtoro sõga —ni namoha Yawe Samuere.