Éxodo 4:13 - Wanano OT Portions

¹³ To ã nichʉ tʉhoro, Moise sehe tirore õ sehe ni yʉhtiha: —Pja ñʉ curega mʉhʉ yʉhʉre, Pʉhtoro. Yʉ cohtotaro pairore warocaga —niha.

Éxodo 4:13 Iomraidhean Croise

Génesis 24:7

Tópʉta yʉ pʉcʉsʉma mehne, yʉ coyea mehne jia timai yʉhʉ. Tí yahpapʉ jiriroreta Yawe, mʉanore bajuamehneriro yʉhʉre na wiohre. Yʉhʉre to na wiori baharo, cua pisaro mehne ahri yahpare, mipʉ mari jiri yahpare “Mʉ panamana mʉhʉre ji turiahtinare waihtja” ni tuhsʉa tire yʉhʉre tiro. Ã jiro cʉ̃iro to anjore mʉhʉ mehne warocarohca tó macaricoro yʉ macʉ namo cjihtore boca, mʉ na tahto sehe.

Génesis 41:35

Tí siete cʉhmari payʉ chʉa jiro puro tó sehe yoa, trigore na cahmachu wahcãjaro. Na cahmachu, mʉ dutiro seheta soro wihbojaro. Macaripe tíre mʉ dutiro seheta wihbo wahcãjaro, baharo masa ti chʉhti cjihti.

Éxodo 4:1

à yoa Yawe to ã nichʉ tʉhoro, Moise sehe tirore õ sehe ni yʉhtiha: —Yʉ coyea ti wacũ tuariro jieraja yʉhʉ. à jia tina yʉhʉre, “Potocãta mʉhʉre Yawe bajuari jira” ni, potocã tʉhosi —ni, yʉhtiha.

Éxodo 4:12

à jicʉ cuiro marieno wahaga. Mʉ wahachʉ, yʉhʉta mʉhʉre mʉ noano durucuhtire yoadohoihtja. Tuhsʉ, mʉ nihti cʉ̃hʉre mʉhʉre yahuihtja —niha Yawe tirore.

Éxodo 4:14

To ã ni yʉhtichʉ tʉhoro, Yawe sehe suaa wahaha tiro mehne. Ã suaparota, õ sehe niha tirore: —Jai. Mʉ wahmi Aarõ, “Levita” ni, ti pisuriro, noano durucuriro jira. Tiro mʉhʉre piti bocaro ta tuhsʉre. Piti boca, mʉhʉre ñʉno, tuaro wahcherohca tiro.

Joná 1:3

To ã nichʉ tʉhorota, to yare cahno bahrañoha Joná. Cahno tuhsʉ, pjiri ma dʉhtʉ cahapʉ jiri maca, Jope wama tiri macapʉ buhaa wahaha tiro. Tí macapʉ buhu sʉ, bʉjʉa bʉso wʉri ti wahã sʉri pitamahapʉ buhaa wahaha. Tí pitamahapʉ to buhu sʉchʉ, tói cʉ̃ria Españapʉ wahahtia pahsaha. España sehe sʉ̃ sãano caha sehe tjuaha. Cohamacʉ Jonáre to warocari maca Nínive sehe sʉ̃ mʉja taro caha sehe tjuaha. Ã jiro Joná sehe Cohamacʉ to warocari macapʉ waha duaeraro, España sehepʉ duhtia waharo nimaha. Ã jiro tia pʉrore niñeru wapa, tiapʉ samuha tiro.

Joná 1:6

à yoa tia dohoria wʉrʉre dutiriro sehe tia topapʉ sãamahno, Jonáre tói ñʉ bocaha. à ñʉnota, tirore tuaro mehne “¡Wahcãga! ¡Wahcãga!” ni, bʉa careha. à yoa to wahcãchʉ ñʉno, õ sehe niha tirore: —Marine cuaro waro waharo nina. ¿Dohse yoa õi carĩ sãai nijari mʉhʉ? Yʉhʉ mehne dahraina cãinape ti ño payoina cohamanare sinia nimana. ¡Cjero! Mʉhʉ cʉ̃hʉ mʉ ño payoriro cohamacʉre sini bahrañoga. Pa tehe nino tiro marine pja ñʉno, mari mini yariaborore yʉhdoboca —niha dohoriare dutiriro Jonáre.