Éxodo 32:27 - Wanano OT Portions

²⁷ Ti cahmachurʉcʉ sʉ pihtichʉ ñʉno, Moise sehe tinare õ sehe niha: —Yawe mari israe masa Cohamacʉ õ sehe yoa dutira mʉsare. Mʉsa cahma wajãa pjĩni mehne diina tirore yʉhdʉrʉcainare wajã dutira. Mʉsa tʉã dapoa wʉhʉseripʉ wahatjiãhna, mʉsa coyeare, mʉsa piti ti ji coainare, tuhsʉ mʉsa wʉhʉseri cahacãi jiina cʉ̃hʉre diina Cohamacʉre yʉhdʉrʉcaina ti jichʉ, tinare wajãnoca dutira. Wajã wahcã, wajã majare tjua ta mʉja dutira —niha Moise tinare.

Éxodo 32:27 Iomraidhean Croise

Éxodo 32:26

à ni tʉhoturo, ti tʉã dapoa wʉhʉseri cahapʉ sãano waroi sʉrʉcʉ sʉ, õ sehe niha: —Noa Yawe yaina ji duaina cjero yʉhʉ cahai ducuna taga —niha. To ã nichʉ tʉhoa, Leví cjiro panamana, ji turiaina sehe Moise cahai cahmachurʉcʉ sʉha.

Éxodo 32:28

To ã nichʉ tʉhoa, Leví cjiro panamana, ji turia dijaina sehe Moise to dutiro seheta Cohamacʉre yʉhdʉrʉcainare wajãha. Ti ã wajãchʉ, tí nʉmʉre tres mil wahtaroi masa yariaha.

Éxodo 32:29

Tinare ti wajãri baharo, õ sehe niha Moise Leví cjiro panamanare: —Mʉsa pohnare, ã yoa mʉsa coyea cʉ̃hʉre michare wajãhre mʉsa Yawere ti yʉhdʉrʉcari buhiri. Mijono waro jipachʉta, to dutiro seheta yoahre mʉsa. Mʉsa ã yoachʉ ñʉno, tiro mʉsare noano wahachʉ yoara. Ã jina mʉsa basi besero yoaro seheta Yawere dahra cohtahtina cjihti tjuara mʉsa mipʉre —niha Moise tinare.