Éxodo 32:14 - Wanano OT Portions

¹⁴ To ã nichʉ tʉhoro, Yawe sehe israe masare “Wajã pahñoihtja” nimariro cjiro wajãeraha jʉna. Noano mehne duhunocaha jʉna.

Éxodo 32:14 Iomraidhean Croise

Génesis 6:6

Ti ã jia tichʉ ñʉno, tuaro bʉjʉa witiha Yawe. Masa to bajuamehnerina to yajeripohnare tuaro purĩchʉ yoaha.

Joná 3:10

à yoa jipihti Nínive macaina, ti pʉhtoro to dutiro seheta ti yoachʉ ñʉno, Cohamacʉ sehe tinare “Wajã pahñonocaihtja” nimariro cjiro wajãeraha jʉna.

Joná 4:2

à suaro, Yawere õ sehe niha: —Yʉ Cohamacʉ Yawe, yʉhʉ sehe mʉ jia tiare masi tuhsʉhi. Mʉhʉ sehe ñainare cʉ̃ bʉhʉsehe noariro jira. Pja ñʉriro cʉ̃hʉ jira. Tuhsʉ, so suaerariro cʉ̃hʉ jira mʉhʉ. Cahĩa tia pihtierariro cʉ̃hʉ jira mʉhʉ. Tuhsʉ, mʉ buhiri dahreboina mʉhʉre ti quihõno tʉhochʉ, buhiri dahrerariro baro cʉ̃hʉ jira mʉhʉ. Yʉhʉ sehe ahri mʉ jia tiare masi tuhsʉhi. à masicʉta, tó pano mʉ yʉhʉre õpʉ warocachʉ, ta duaeramahi yʉhʉ. à jicʉ Españapʉ duhti wahcãa wahamahi yʉhʉ. Yʉhʉ sehe õ sehe ni masi tuhsʉhi: “Yʉ tópʉ waha, tinare Yawe to yahu dutiare yʉ yahuchʉ, tina sehe tíre potocã tʉhoahca. Ti ã potocã tʉhochʉ, Yawe sehe tinare buhiri dahreboriro buhiri dahresi” ni, masi tuhsʉhi yʉhʉ.

Números 14:20

Moise to ã ni sinichʉ tʉhoro, Yawe sehe õ sehe ni yʉhtiha: —Jai. Mʉ yʉhʉre sinino seheta mʉ masa yʉhʉre ti yʉhdʉrʉcarire boihtja.

Jueces 2:18

à yoa tinare ji turia dija taa tjururi macaina cʉ̃hʉ sie sehe mehne sie sehe mehne Cohamacʉ ti ño payoboriro waro sehere ño payo duhu wahcãrucua nia tiha. à jia tuaro waro Yawere yʉhdʉrʉcaina wahaa nia tiha jʉna. Ti ã yʉhdʉrʉcaina jichʉ ñʉno, Yawe sehe tó pano macaa tjururi macainare to buhiri dahreriro cjiro seheta buhiri dahre mʉjaa tiha tina cʉ̃hʉre. à jiro tina cʉ̃hʉre tinare ñʉ tuhtiina cahma wajã yʉhdʉrʉca sãa tachʉ yoa, tinare ñano dutipechʉ yoa, buhiri dahre mʉjaa tiha tinare. Ti ã ñano dutipechʉ, israe masa ñano yʉhdʉa tiha. Ti ã ñano yʉhdʉchʉ ñʉ, pja ñʉno, Yawe sehe ti pʉhtoro cjihtore bese, sõbasaa tiha tina cʉ̃hʉre. à sõno, tiro mehne tinare noano yoadoho mʉjaa tiha. To ã yoadohochʉ, tiro pʉhtoro sehe to catisinino puro to masa mehne tinare ñʉ tuhtiinare sʉho cahma wajã yʉhdʉrʉca mʉjaa tiha. To yariari baharo, pa tjuru macaina cʉ̃hʉ pari turi mʉnanota “Cohamana jira” ni, ti ño payoa masʉrine ño payo mʉjaa tiha tjoa. à ño payoa, tó pano macaa tjururi macaina cjiri ti yʉhdʉrʉcaro bui tuaro yʉhdʉrʉcaa nia tiha tina. Tina cʉ̃hʉ ti ñano jia tiare ne duhuera tiha.